رد: هو مفيش حد يجاوب على الاستفسارات ولا ايه
بص يا سيدي
العربيتين ميفرقوش عن بعض كتير لكن زي ما انت عارف في عوامل بتميز عربية عن التانية خصوصا في مصر
اللانسر معروفة اكتر في مصر و ليها توكيل كبير و مراكز خدمة معتمدة كتير و قطع غيارها متوفرة و العربية بشكل عام سواقتها كويسة و مريحة و اعتماديتها عالية و اكبر عيوبها (حسب كلام الناس) ان المتور ال 1500 الجديد مش بنفس قوة متور البوما ال 1600 و ان العربية تقيلة في طلعتها و السرعة القصوة مبتعديش ال 190
المازدا طبعا انتشارها اقل و ده بيديها تميز لكن في نفس الوقت ملهاش توكيل في مصر (هي ليها بس متطنشة) و قطع غيارها غالية (اغلي من اللانسر) و مش متوفرة برة التوكيل بكثرة و اهم مميزاتها متورها النشيط الثبات و برضة سواقتها كويسة و مريحة لكن معطم الناس اشتكت من وطوها و احتكاكها بالمطبات خصوصا و هي محملة و طبعا الشكل الجديد نزل منها و سعرة مبالغ فيه و بشدة 150 البيسك و 170 الفل اوبشن (اسعار سونستا)
انا و الحمد لله جتلي فرصة و جربت اللانسر (سواء البوما او الشارك) و المازدا 3 الشكل القديم مش ال 2010
و في راي الشخصي ان العربيتين شبة بعض قوي و الفروق ما بينهم لا تذكر. طبعا الشكل الداخلي او الخارجي ده اذواق . من ناحية المواتير انا بحكم تعودي علي عربية 8 سلندر كنت حاسس ان العربيتين ضعاف جدا و ان كان موتور المازدا نشيط اكتر من اللانسر لكن الاتنين مالهومش اي فرصة قدام عربيات اقوي زي الكرولا و السيفك و طبعا ممكن الالينترا و السيراتو يحرجوهم. من ناحية الثبات محستش بفرق كبير ما بينهم و شايف اني مش هكون مبسوط منهم فوق ال 160 (بحكم تعودي علي الالماني). طبعا الاوبشنز دي ترجع ليك و لمقدرتك
و في النهاية انا راي تروح تتفرج و تركب و لو امكن تسوق الاتنين و تشوف انهي فيهم مريحاك و مناسبة ليك اكتر و عموما سواء جبت دي او دي مش ههتضايق ان شاء الله
__________________
Sharief Mansy
Farewell my Cayenne, you were the best car i ever had and driven
التعديل الأخير تم بواسطة horas3000 ; 05-09-2009 الساعة 05:50 AM
|