[خالد الجوكر]

السلام عليكم

انا جيت متاخر ولا ايه

الصراحه تتقال يا جماعه العربيه دى معايا من مفيش 5 شهور بس حبى ليها من زمان جداً وناويلها من زمن بس بسم الله ماشاء الله مش اقلكو على سحبها وهيه رايقه كده ومفيهاش حاجه

اقسم بالله شديت مع مكروباص تويوتا 2010 ع الصحراوى لغايه ما عدادها عدا معايا ال160

ومهدتش الا لما جبتو بردو

يومها الحاج كان جنبى وعمل معايا الــــــــســــــــــح

بص بصراحه العربيه دى طول ما انت واخد بالك منها ومدلعها تديك كل حاجه ف الدنيا

شياكه اخر حاجه

وتستحمل بردو اخر حاجه

واسأل مجرب

انا معايا موديل 79 جى أل

احلى حاجه بحبها فيها لما تشد ع الغيار مره واحده كده تلاقيها نزلت من ورا وبوزها رفع كده تحس انها اسد ماشى ع الطريق بيتغندر

ويا سلام لو قصدتها ف فرح ولا حاجه تديك تخميس ع ابوه والدفع الخلفى عامل شغل معاه

وانا قريب ع العيد ان شاء الله هرفع صور لوزه علشان تقولولى ايه رأيكو فيها

واى خدمات اقدر اقدمهالك انا ف الخدمه

ع فكره انا شاريها ب 29 ألف ونص بالظبط التاجر مرضيش ينزل اكتر من كده وفضل يقول ده اللى طالعلى منها

اسف انى طولت عليكو بس انا بحب الكلام ع العربيه دى اوى ومهما اتكلم بردو الكلام اللى ف قلبى عمره ما هيخلص عليها