السلام عليكم ورحمة الله وبركاته
بكتب وبكل حزن لانى بحب النيسان صنى وكان معايا الشكل القديم بس راحت لاسباب
المهم بقالى فترة طويلة عاوزة اشترى عربية وكل أما أنوى على حاجة ألاقيها مش موجودة
كله خير :
المهم انا الاول كنت عاوزة اجيب نيسان الجديدة بس مكنش معايا تمنها كله وقلت اجبها بنك
المهم رجعت وقلت لا هجيب حاجة على قد فلوسى المهم قررت اجيب لوجان ورحت اجبها
لقيت الاتوماتيك مش موجود وقالولى يمكن ينزل كمان 7 شهور
المهم صرفت نظر ورجعت للنيسان تانى وكنت هنا قريت تقرير عنها جميل جدا واستقريت
عليها بعد اما اتصرفت فى بقيت تمنها - المهم رحت وحجزتها عندنا فى كفرالشيخ
وكل شوية أعدى على المعرض يقولى لسه المهم انه قالى علشان مقلقش ان العربية فيها
مشكلة وانهم رجعوا اتنين وهيستنوا لما يشوفوا المشكلة دى هتتحل ولا ايه النظام - بينى وبينكم قلت يمكن بيقولى كده علشان يعطلنى شوية وياخد الاوفر ويبقى لطعنى نفس فترة التوكيل
المهم جيت جرى هنا وعملت موضوع استفسر فيه عن أى مشكلة عن العربية وكل اللى دخل مقلقش حاجة
حتى فى واحد قالى هسألك ناس معاهم العربية وجابلى ردودهم بيشكروا فى العربية فأنا قلت خلاص هسبنى من المعرض ده وأروح أحجزها من التوكيل وبعت واحد يحجزها بس هو اتصل على المعرض الاول علشان يعرف منه آخر كلام هيجيب العربية ولا نلغى الحجز
فالمعرض قاله بصراحة احنا جبنا اتنين وكان فيهم مشكلة ومقلقين نجيب تانى
وقالوا كمان ان المشكلة دى ظهرت فى الاتوماتيك بس والمانيوال عادى
المهم الأخ برده قال يتصل على معرض معرفة يسأله على العربية ويطلبها منه ويشوف هيدهاله بكام من غير ما يقوله على أى مشكلة
واتصل بصاحبه وكان الرد كالتالى ( انا مش بجبها وهبعتك لواحد يجبهالك بأوفر 2000 جنيه ) فقاله طيب متجبهاش ليه انت منتا كنت بتجيب نيسان فقاله ( بصراحة انا جبت واحدة لواحد معرفة وطلع فيها مشكلة وحصل بسببها مشكلة مع الأخ ده وعالجوله المشكلة بصعوبة ) ومن وقتها قلت مش هجبها تانى وانا بقولك علشان انت صاحبى ----------
فخلاص كده للاسف إتأكدت ان العربية فيها مشكلة وبصراحة حزينة جدا ومش عارفة اجيب ايه
قولولى بقى ادعبث على نيسان اكس صالون القديمة بالاى بى اس ولا أعمل ايه لانى مقتنعة بنيسان جدا وبإنها بسعرها ده أفضل بكتير من فئتها
منتظرة آرائكم بسرعة
ومعلش ان كنت زعلت حد فيكم بالخبر ده وانا كمان زعلانة جدا بجد