[Dr.Mustafa]

المشاركة الأصلية كتبت بواسطة look344 دى مش قراءات ولا استنتاجات ولا انت تملك تحليل وتحريم مشاركات الاعضاء فى المنتدى اولا المصدر مش ردود فى مواضيع او اراء عن كواراث اللوجان فى المنتدى وان كثرت ولا اذكر اى موضوع عن العيوب القاتلة فى تلك السيارة الداتشيا انما المصدر فقط هوا مقارنة بين اللوجان وسيارة اخرى فى نفس الفئة فى اربع مقاطع فيديو يعنى صوت وصورة http://www.youtube.com/watch?v=eum73jzFgts الفيديو ده ظاهر فيه العيوب المذكورة فى اول رد والى مهتم ممكن يجد بقية الفيديوهات على اليوتيوب الى مقتنع باللوجان ده رآيه الشخصى والغير مقتنع ده بردوا رآيه الشخصى واتمنى المحافظة على اداب الحوار فى المنتدى وعدم التعدى على اراء الاخرين

للمرة الألف مجبرين نرد على فيديوهات الشاب اللطيف اللي فرحان جدا بالماليزي ..

شوف يا عزيزي .. باختصار حضرتك اخدت كل حاجة في الفيديو على انها قرآن

انا ليا تلاته صحابي معاهم لوجان و كان نفسي اشوف عيب واحد من اللي في الفيديوهات

دي أشوفو على الحقيقة .. بل على العكس .. كلها مميزات ماشاء الله

طول عمري بركب معاهم و بنروح نفول بنزين و نمشي في مطبات و عمرنا ما سمعنا

اي اصوات ..

جربت عربياتهم و لقيت الدواسات ثابتة و مفيهاش الكلام الفاضي اللي في الفيديوهات

انما بقى لو هتقولي على العيوب الحقيقية ( التانك بيفتح من برا و الشنطة كمان )

معلش هضطر أرد على حضرتك بالمثل الشعبي اللطيف على سبيل الدعابة

( قلتلو يابا علمني الخيابة .. قالي تعالا في الهايفة و اتصدر )

هتقولي ليه ؟؟

هقولك لأن كل شركات تصنيع السيارات في العالم بتأكد خطورة انك تحط بنزين و الموتور

شغال .. فبالتالي دي ميزة انك لازم تبقى مبطل العربية و انت بتحط بنزين

و كمان لأن اغلب عمال البنزينة بيستعجلو و مش بيقفلو التانك صح

فهتبقى حضرتك اللي بتحافظ على عربيتك بنفسك ..

اما عن ا لشنطة فدي ممكن تبقى عيب عند ناس ..

بس انا عمري ما ركبت سيدان كنت راكب تيريوس و كده كده الشنطة انا اللي بفتحها

انما موضوع اللحام ده لو حضرتك دورت هنا في المنتدى هتلاقي أستاذنا الفاضل شارحو

بالرسم عشان اصدار اللوجان MCV و ملوش أي علاقة بالأرضيات و لا الشاسيه

أكيد مش كلنا هنا فاتحين بقالة و بنبيع فيها رينو لوجان تحت البيت فبنعمل دعاية

أنا واحد من الناس مرحتش حجزتها غير بعد ما اخدتها من صاحبي تلات ايام معايا

و مشيت بيها لحد 160 الحمد لله و محستش بقلق منها

و دورت في كل المنتديات ..

لكن حضرتك لو معتمد ان اللي بيعمل الفيديوهات دي ابن اخت مايكل شوماخار

يبقى خلاص على بركة الله هيا الساجا عربية المستقبل في مصر و العالم العربي