رد: حد يعرف يقول لى ايه ده ؟
للاسف يا  الناس هاتفضل ترمى اكتر من الاول لان بقى فى حد بيشلها
اول حاجة عملناها بعد الثورة اننا حطينا 25 يناير على لوحات العربية ومن هنا بقى هو دة مفهوم الحرية
الناس تحس انها فى حالة هيستيرية طول الوقت
من 3 ايام كان فى اتوبيس52 راكب ماشى على طريق مصر السويس عكسى ولغاية هنا عادى وبنشوفها كتير انما اللى مش عادى انة واخد يمينة يعنى شمال اللى ماشى فى الطريق ..........تخيل الاستهتار وصل لفين
كملت ونزلت مشوارى لقيت مكروباص بياخد غرزة من اللى ادامة وبقى فى وشى بالظبط وقفت على الفرامل عشان ما نخبطش بعض وكمل ولا اكنة عمل حاجة ولا بصلى حتى
النهردة بقت خبطات الاكصدام والحكات حاجة مش لازم ترفع ايدك وتعتزر عنها مثلا
واقف فى الدور الـ 11 عند نسيبى وكاشف مكان كبير لقيت ان معظم الابنية حولينا كلها طوب احمر جديد يعنى كولة زود ارتفاعات عشوائية
طب اقسملك بالله شوفت حاجة موت من الضحك
واحد اخد شارع الحكومة وقطعة بسور من الطوب وعمل بوابة واصبح الشارع جراج والناس لازم تمشى الحتة دى بالعكس عشان تكمل طريقها ...........تخيل
للاسف هانرمى تانى القمامة وانا بحمد ربنا انى ساكن فى المدن الجديدة وما فيش الحاجات دى
__________________
يااااااااااااا رب
إرحمنا بقدرتك علينا
|