[محمدصلاح القاضى]

بم ان فى حاجات كتيره نهتم بيها
احب اقولكم
"انى النهارده عملت حادثة موت بالعربيه "
واللى حصل عرفت انى فى بنزين فى محطه عندنا وان مفيش حد هناك عشان الصيام وكان الكلام قبل الفطار بساعه
فقولت اخطف رجلى واروح اجيب بنزين
المهم وانا ماشى على طريق فردى يعنى رايح جاى
كان قدامى واحد راكب عجله فجيت قبله بشويه وهديت عشان اعدى المسافه كانت 10 م وكان فى ميكروباص جاى فى المقابل وطاير ودا خلانتى اكن خالص اجيب 40 كيلو وبعدين وانا بعدى العجله قام بتاع العجله واقع قدام العربيه قمت انا مديها فرامل والحمد لله العربيه وقفت مكانها
لكن كان جاى معلم راكب كرولا ومشغل التكييف وماشى مش اقل من 120 كيلو ولسه انا هفتح الباب ابص على الراجل اللى وقع واطمئن عليه ولقيت صوت فرامل وطاخ
طبعا العربيه مشية يجى 5 متر من الخبطه وانا فيها
ونزلت اعصابى بايظه وتلفانه
ولقيت المعلم بيتكلم فى فلوس وتصليح طبعا مقدرش اوصف لكم مدى النار اللى جوايا من اللى وقع قدامى والى خبطنى ونازل يتكلم انى اصلح له عربيته
قمت متصل على الحاج وقولت له ان فى الحته الفلانيه تعالى عشان كذا كذا
طبعا والدى جاى وهو متحامل عليا لانه مبيحبش الغلط وكان فاهم انى انا اللى غلطان وانا اللى مخبوط من قدام
والحمد لله الطريق دا كان زراعى وكانت فى ناس فى الغيطان شافتنى وانا واقف ودا داخل فيا
ولقيت ناس بتجرى وناس وبتزاعق وناس معرفش جم منين
والناس شهدت بالحق وقالت انى انا مش غلطان وان السب فدا كله الراجل صاحب العجله
واكتشفت وانا واقف ان الراجل دا معاق فى رجله ومش عارف هو العمر بعزءه راجل معاق يركب عجله
لا ودا خاد نفسه وخلع وفجأه بنبص عليه لقيناه راكب العجله ومكمل مشواره عادى وبعد 200 م منى كان هيلبس واحد فيه نفس الحوار بتاعى
المهم سيبك منكم من تفاصيل الخناقه والكلام
معروف ان الكرولا 2008 واطيه من فدام فنزلت تحت الاكصدام عندى وقام زامم الشاسيه
ومبهدل الشنطه والرفرف اليمين طبعا انا تكلفة تصليح عربيتى لا يتجاوز 1500
لكن هوا مش اقل 6000 جنيه كبوت وصدر وفوانيس وسربنتينه و ريداتير ومراوح ومعرفش ايه تانى
لا وبيقولى انت ليه وقفت كنت شيلته انا بقا اتعفرت من الموضوع دا اوووى وقمت هاتك يا صوت وقمت مبهدله
وقولت له الاحسن عندك انك تموت واحد وتخش قى ليله تانيه فديه يا اما سجن
ولا تولع اما العربيه مهما كان تمنها ولا ابقى تحت ضرس حد
لانقط من فوق ولا من تحت وقالى احنا نشيل مع بعض بمعنى اننا ناخد العربيتين ونصلحهم ونقسم
انا راجل عربيتى هتاخد اكتر حاجه 1500 جنيه وانت 6000 يبقى انا هشيل 1500 جنيه معاك
ياراجل دايبقى افترى ووصلنا لمرحلة الاتصال بالبوليس قولت له وانا مش مضرور فى اى شىء
ويعمل اتصالات وحورارت
وفى الاخر كان بيلعب على نقطة ان مفيش معايا رخصه وانى طالع اتغندر على الطريق
واما لقى معايا رخصه وشافها
مشى قفاه يأمر عيش هو اللى جوله مكان الحادثه وكان اخوه قليل الادب وبذيئ وكانت الناس هتجيب رقبته بالفاس واخوه لم الموضوع ومشيم لانهم كانوا سافلين جداااا
انا مضايق جداا جدااا