رد: اجيب الداستر ولا لأ
يا باشا العربية معايا بقالها 4 شهور و عامل بيها 6 الاف كيلو و مطلع روحها من يوم ما جبتها سفر و جوة و برة القاهرة و العربية وحش ما شاء اللة و معنديش عليها اى تعليق
و على فكرة كنت راكب قبلها لانسر 2008 اتوماتيك و غيرت ليها عن اقتناع بعد دراسة و مذاكرة السوق 8 شهور كاملين.
و اللى يقولك العفشة ناشفة يبقى لامؤاخذة مركبش العربية اصلا لانها أحسن عفشة فى مصر فى فئتها.
و اللى يقولك زرار الكلاكس و لا زرار الزجاج - معلش مش دة معيار اتخاذ قرار شراء عربية - المعيار فى قوة العربية - اتزاها الممتاز على سرعات عالية و منحنيات شديدة - كل عوامل الامان المطلوبة و الحديثة من فرامل و airbag و خلافة - عفشة روعة بتاعة النيسان x-trail و على فكرة هى و النيسان اخوات و الشركتين واحد دلوقتى و فى النهاية اقولك ان النسخة اللى فى مصر هى هى النسخة الاروبية - يعنى عربية مواصفات اروبى ممتازة.
|