[AbOnOrA]

لكن اللى يخش يقل ادبه ويتطاول على الناس ويرميهم بالباطل اكيد الكلام معاه مش هيفيد بالعكس هيقل من قيمة الكل والكل فى غناء عنه اما بقا عن كلامك الجميل ده اللهم انى صائم اللهم انى صائم انا ولا غلط فيك ولا قليت فى ادبى ولا تطاولة واللى باقى فى المنتدى عارف مين اللى محترم ومين اللى مش محترم مين اللى بيقبل رقى الاخر ومين اللى بيوقف وبيشطب عضويات عموما ده فى الاول وفى الاخر منتداك وانته حر تديره زى ما انته عايز وانا لما قلتلك الكلام اللى فات فمكنتش اقصد الاساءه بيك انا بوضحلك ان كل واحد وليه اخطائه محدش فينا نبى ولا ملاك ورمضان كريم

صلى بينا على النبى يا عم كومندا

انت دلوقتى غلط فيا اهوه فى وسط الكلام ... وعلى كلامك بقى انا المفروض اخش اشتم واغلط واوقفك بس ده مش صح ولا ده اللى بيحصل

انت لما سألتنى الصبح عن الناس اللى بتتوقف قولتلك اللى بيقل ادبه بيتوقف صح ؟
طيب انت قليت ادبك ...لا .. طيب اخدت الكلام على نفسك ليه ؟
انت قبل البوست ده بدقائق كنت لسه واقف عضو لسه مسجل من اسبوع ومبيعملش حاجة غير انه ينقل اخبار صفحات الاخوان وياريت على كده وبس نازل تريقة وقله ادب على من يعتبرهم خصومة السياسين

طيب ده كده نموذج صحى نرحب بيه فى المنتدى !!!

طيب لما تبقى بتكلم واحد فى عن البرادعى وحزب الدستور اللى غالبية الناس مش هقول كلهم بيحترموه ويخش يقولك ده قصر ديل ...
ده كده قليل الادب ولا لاء
هو يعنى فاكر انه لما يقول قصر ديل مفيش حد هيشده من ديله هو ويقوله يا كلب يا ابن الكلب احترم نفسك

بتحصل طبعاً والنتيجة اننا تانى يوم نلاقى شكوى وغالباً بنضطر نوقف اللى قال يا كلب يا ابن الكلب ونسيب اللى بداء وعلق بسخافة وقله ادب واستفزاز فى الاول

هل ده صح او ديه عدالة !!

هل النوعية ديه اللى تقصدها بكلامك انهم ناس محترمين او كويسين ؟؟؟

معتقدش ابداً

علشان كده قولتلك اللى بيقل ادبه وخاصة فى المواضيع السياسية والهامة اللى زى ديه احسن حاجة يتم التعامل معاه بالطرد مباشره
لان لما ده مش بيحصل الخناقات بتستمر وبنخسر اعضاء اكتر واكتر
وعلشان كده قولتلك ان اللى زى ده محدش عايزة اصلاً وكلنا فى غنا عنه

على فكره انا كصاحب منتدى زى ما بتقول ولا اى حد ادارى حتى سهل اوى نحافظ على عضويتنا اللى باسمينا واسامى عيالنا فى منتهى الشياكة والادب والايتيكيت
ومش محتاجين ندخل نفسنا فى اى خلاف مباشر مع حد
وبساطة الواحد يخش بعضوية ادارية ولا حتى بعضوية جديدة ولا قديمة مفتكسه واقوله ازبل كلام فى الدنيا وعادى تتوقف العضويتين بعد كده

على فكره ده اسلوب متبع فى غالبيه المنتديات فعلاً

بس احنا مش بتوع كده ولا دماغنا فاضيه لكده

الموقع ده اساسه سليم الحمد لله اكتر مما تتخيل وهدفه واضح وناجحين بفضل الله فيه والمحتوى الاجتماعى كله قيمة مضافه بنعتز بيها كلنا زى ما بنعتز بالصداقات اللى عملناها وبنعملها من خلاله وكل ده ميخليناش نستسهل الشتيمة ولا الغلط فى الناس

لكن بنضطر وانا بالاخص اخد مواقف حازمة مع ناس من الخبرة والتعامل والدنيا ببقى متاكد من انهم ميستاهلوش الاحترام والقيم الاساسية اللى بينا ولا هيستاهلوه ولا هيحترموه ولا الموقع كله بيمثل حاجة بالنسابلهم اصلاً غير مجرد صفحات دش ورغى زى الفيس بوك وغيره من المواقع العامة

فانا حتى دايماً بقول للنوعيه ديه قدامكو مواقع الدنيا والفيس بوك بطوله وعرضة والمدونات وغيرة وغيره تمارسو بيها النوع ده من التشليت والترفيص بدون حساب
لكن هنا فى نظام لازم تحترمة طالما عايز تبقى عضو فى الاسرة ديه

هل حضرتك قريت فى يوم قوانين المنتدى
هل الاخ بتاع النهارده ده قراها
وغيرهم ممن تم ايقافهم لاسباب مشابهه
تفتكر قروها ؟؟؟

قوانين المنتدى فيها ما يمنع السخرية والاستهزاء بالعموم على الشخصيات العامة
مع الفارق بين السخرية والاستهزاء والسب والقذف وبين النقد والجرح والهجاء
لو مش عارف الفرق اشرح تانى وان كنت شرحتها قبل كده كتير
وقوانين المنتدى بتمنع بالخصوص الاستهزاء او السخرية من رموز الثورة وشهدائها ومصابيها
طب اللى يشترك فى المنتدى وميحافظش على القوانين اللى حطيناها عيانا بياناً للناس دراء للمشاكل وطوله اللسان ويخش يسخف ويقل ادبه مش عايزنا كمان نوقفه

على فكره انا شخصياً شغال معايا نظام الفيس بوك والدستور واليوم السابع وممكن نقلبها مزبله كل واحد يقول اللى يقوله ونوفر على نفسنا مجهود اشراف وادارة وهم تقيل
بس زى ما شرحتلك فى الاول مش هيبقى فيه بعد اجتماعى حقيقى

يعنى باختصار يا كومندا احنا هنا بقالنا سنين الحمدلله اسرة واحدة وبنتقبل فينا كل التيارات السياسية او الفكرية او الدينية والكلام ده على مستوى الاعضاء والادارة
وهنفضل كده ان شاء الله وهنعرف نحافظ على ده ونتمنى الناس تعرف تعمل ده زى ما بنعمله لكن فى نفس الوقت مش شغلتنا نعلم الناس تعمل ده واللى مش قادر يندمج مع الاسرة طبيعى يفضل براها خالص

انا حاولت والله بكل امانة اشرحلك رائى وباكتر من اسلوب يارب اكون وفقت ومتفهمنيش غلط تانى ومتلقحش على كلام تانى
ورمضان كريم يا كومندا