[Tota El Masry]

رمضان كريم الله أكرم و رسوله رحمة للعالمين

طبعاً كلنا عارفين الدعوة التي لا ترد
المظلوم
الصائم عند فطره
تقبل الله صيامنا و قيامنا و نسكنا

طيب إزاي آخد الضمان؟؟؟؟؟؟؟؟؟؟؟؟؟؟؟؟؟؟؟ ؟؟

أصوم عن الطعام و الشرب و التدخين
حلو ...
أقاوم الإغراء مهما كنت لوحدي و ماحدش شايفني
لحظة...
إن غفل عنك كل الخلق لسه الخالق لا تأخذه سنة و لا نوم

طيب فيه صيام تاني؟؟؟؟
آه تصوم عن أذى الخلق

المسلم من سلم المسلمون من لسانه و يده

الله عليك خليك زي حتى لو الطبيب منعك من صيام رمضان صوم بقية الدهر عن أذى الخلق و لا تفطر مهما كان

و كل شوية تفكر نفسك اللهم إني صائم صيام الجسد و الجوارح فثبتني
و مش حفكرك....لأ ...أفكرك و ماله...لو حد طاوع شيطان...لأ شيطان إيه بقى ...لو حد طاوع النفس الأمارة بالسوء
ترد و تقوله زي حبيبك ما علمك

اللهم إني صاااااااااااائم
و الكاظمين الغيظ و العافين عن الناس

الله عليك بجد ربنا يثبتك و يعزك و يعليك

ساعتها بجد دعوتك بأمر الله لن ترد

آه ضمان رباني بقى
ماحدش يقدر يوقلك أنت خرجت من الضمان طوووووووووووووووووووول ما أنت

في معية الله...كررها معايا في لسانك و حس بحلاوتها

لا بتأمرك بالنفاق
لا بتدي غرز بالمعاكسة
لا بتكسر بالتحرش باي شكل
لا بتروح لصنايعي برة بعد الفطار و تقعدوا تنموا على القهوة و شيشة للصبح و تحلي بسيرة الناس مع اختلاص حتتين قطايف من إللي رايحة و إللي جاية
ساعتها بأمر الله مش حتلبس في عمود الشيطان و لا تطلع على رصيف المعاصي و تركن و لا ربنا حيكتب عليك تعدي للمعاكس و تخسر دنيتك و أخرتك و العياذ بالله


و لو قدرت تصوم الدهر و لا تفطر بجد بأمر الله تقول للشيء كن فيكون

مش صيام الجسد لأ صيام الجوارح ربنا يقوينا و يقويك عليه

توتة بطلي رغي و إنجزي

حاااااضر
طيب كل واحد قبل الفطار يدخل يسجل دعوة

و أخواته يامنوا عليه

حتى لو ملهوش دعوة يأمن علشان الملائكة تقوله و لك مثل ذلك و يا رب يتقبل الخير منا و يرد دعواتنا بجهالة و يحولها لدعوة خير

و يارب اقسمنا عليك باسمك الأعظم و جدك الأعلى أن تتقبل منا صيامنا و دعاءنا و نسكنا و تصلح لنا ديننا الذي هو عصمة أمرنا و دنيانا التي فيها معادنا و أن تمتعنا بأبصارنا و أسماعنا في معيتك مصونين ما أحييتنا و أن تثبتنا على طريق الحق و أن تحفظ علينا ما بين لحيينا و قدمينا فلا نفتري عليك بهتاناً و أن تجمعنا بالحبيب المصطفى صل الله عليه و سلم عند حوضه الشريف نشربة من يديه الطاهرتين شربة مزاجها زنجبيلا لا نظمأ بعدها أبداً
اللهم أرزق شباب المسلمين بزوجات مسلمات صالحات قانتات حافظات للغيب بما حفظ الله و أرزق بنات المسلمين بأزواج صالحين قوامين صوامين لله يعاشروهن بالمعروف أو يسرحوهن بإحسان ميثاقهم شريعة الله و منهاجهم سنة رسوله بالمودة و الرحمة
و الحمد لله رب العالمين و سلام على نبيه الحبيب الأمين
استغفر الله العظيم من كل ذنب عظيم و أتوب إليه
لا حول و لا قوة إلا بالله
لا إله إلا الله
الله أكبر
سبحان الله العظيم سبحان الله و بحمده

كل واحد يسجل دعوة