25-07-2012, 06:37 PM
|
 |
التخصص العملى: طالب بالأكادمية العربية للعلوم و التكنولوجيا و النقل البحرى بالاسكندرية
هواياتي: السيارات - الكمبيوتر
|
|
تاريخ التسجيل: Mar 2011
الموقع: Alexandria
المشاركات: 11,343
|
|
♥من مطبخي العيش الكيزر احلي من الجاهز بالتفصيل الممل♥
♥المكونات دي هنحطها في طبق لوحده♥
*المجموعة الاولي*
(كوبيتين دقيق)
(معلقة صغيرة بيكنج بودر)
(3 معالق كبيرة حليب بودرة )
(معلقة صغيرة ملح)
(معلقة صغيرة سكر)
(8 معالق كبيرة زيت)
(نص كوباية ماية دافية)
♥والمكونات دي برضو نحطها في طبق تاني♥
*المجموعة التانية*
(معلقتين صغار خميرة)
(معلقة كبيرة سكر)
(نص كوباية ماية دافية)
ودي صور المكونات
يلا نشوف الطريقة :
نحط مكونات المجموعة التانية (نبدا بالخميرة)
و نضيف السكر
و الماية
و نقلب كل المكونات مع بعض
و دي شكلها بعد ما قلبت كل المكونات
و نغطيها بفوطة نظيفة و نسيبها تخمر لمدة 10 دقايق
نجيب طبق و نحط فيه كل المواد الجافة
و نقلب كل النواشف مع بعض و نعمل حفرة في النص زي كدا
عشان نضيف فيها المواد السائلة
و بعد ما خلصنا المواد السائلة نحط الخميرة
و نبدا نعجن كل المكونات مع بعض
و دا شـــــــكـــــــلــــــهـ ـــا
و نغطي العجينة بفوطة ناشفة و نسيبها تخمر لمدة ساعة و نص او ساعتين
و دا شكلها بعد التخمير بسم الله ما شاء الله
و نحط شوية دقيق عالرخامة و منفردش العجينة اوي
و نقطع العجينة قطع متساوية
و نحط في الصينية زيت
و نكور العجينة و نحطها في الصينية كدا
و نجيب حتة ناشفة و نغطي بيها الصينية و نسيبها لمدة ربع ساعة
و هنا بعد التخمر حجمها كبر
و هنرش الوش بشوية زيت و عليه سمسم
و نحطها في الفرن علي درجة حرارة 180 لمدة تلت ساعة
وهنا لما طلعت
بجد كان هش و خفيف اووي و طعمه تووحفة
و هنا لما فتحتهو هنا حطيت جبنة لبنة
و عليها قطعة جبنة رومي
و هنا حشيته باللحمة المفرووومة
و يا سلام بقي مع العصير يم يم
و بس كدا
و بالف هنا و شفا
منقوووووووووووول
|