ازيكم يا جماعة الخير يارب تكون في احسن حال
انا عارف ان في حالة خمول في الرابطه علشان احنا في رمضان بس يارب تكون حالة الخمول دي علشان التفرغ للعباده والصلاة وقراءة القرآن
انا ليا سؤال بسيط وعاوز رد من عمالقة الرابطه ( اتش - ادماير - القاضي)
انا لما عملت طقم شنبر منحوالي شهر ونص طبعا ظبط التاكيهات بس لما قافلنا الموتور وبدأنا ندوره كان في خبطه خفيفه كده علشان في تاكيه مفتوح والميكانيكي قالي ابقي روح اظبط التاكيهات تاني علشان في تاكيه مفتوح
المشكله علشان اروح للراجل بتاع التاكيهات مشوار تقيل علي قلبي قوي غير ان عندو العربيه بتقف في الشمس كذا ساعه وهو معندوش مكان ضل اقف انا فيه ومكسل اروحلو
بالاختصار انا خلال 3 اسابيع اللي جايه عندي اربع سفريات بالعربيه اسكندريه واسماعيليه والغردقه
هل في تأثير من التاكيه المفتوح علي العربيه مع العلم من ساعة معملت طقم الشنبر ماسفرتش بيها والعربيه مش بتسخن
ايه اللي ممكن يعملو التاكيه المفتوح وشكرا
