مبدئيا كل سنه وحضرتك طيبه يا استاذه توتا وربنا يعود الايام عليكى وعلينا وامه المسلمين جميعا بالخير والصحه والسعاده ...
أولاً:
أنا حطق من ناس كثير مش مقدرة لوجي درجة إني جاتلي حالة نفسية كل ما أركبها يجيلي كرمبات في رجلي اليمين السليمة و مش أقدر اسوقها مع إني مقتنعة بيها جداً و شايفة كل عيوبها مميزات أو بطريقة أخرى النصف المملوء من الكوب و بالقانون الإلهي
أمر المؤمن كله خير
لكن شياطين الأنس و العياذ بالله كثير بتفضل تفطسلك الحاجة لحد ما ترميها و تجري هي بقى و تاخدها بيضة مقشرة و الله أعلم بس بجد خلاص
قربت أقول لوجي إللي ما كملتش 300كم فقط للبيع
خلاص تقريباً أتحسدت و مش عارفة أعملها إيه حد يدلني بجد
|
عربيتك رينو لوجان احسن عربية فى سعرها بلا منافس الحمد لله .. عربية واسعه وجميله ومريحه والاهم من كده انها عجباكى وبتحبيها .. مش كده ؟!!
يبقى خلاص مالناش دعوه بالناس اللى مش بتفهم فى العربيات او اللى بيحبوا يبخسوا الناس اشياؤها ويطلعوا عيوب فى كل حاجة ونثق فى نفسنا وفى اختيارنا ومنعطيش اهميه لكلام الناس ......
ثانياً:
كل ما حد يركب العربية يشغل التكييف كأنه ماشافش تكييف في عربية في حياته و لما أطفيه علشان التليين يزعل و يفتكرني بخيلة و خالو مرة كان حيرميني برة عربيتي لأني قللت التكييف و هوا معايا فيها و مش مقتنع بموضوع التليين
|
معلش بس ممكن علشان الجو حر اوى اليومين دول الاستغناء عن التكييف صعب شويه خصوصا بالنهار ...
وعلى فكره مفيش مشكله تشغلى التكييف وقت الضروره فى فتره التليين .. عادى مش هتفرق يعنى فمتضغطيش على نفسك اوى فى الموضوع ده ....
ثالثاً:
مش لاقية تجليد أكصدمات حلو لونه نبيتي أو شفاف عاوزة ألحق أجلد لوجي و ألبسها فستان على العيد بعد الفرش النبيتي في أسود و الأرضية السوداء
|
لأ للأسف مش هتلاقى تجليد بلون العربية بالظبط للاسف و الشفاف انا مسمعتش عنه قبل كده بس ممكن حضرتك تسألى عنه فى محلات الكماليات الكبيره او المولات ....
رابعاً:
المفتاح الإيموبيليزر إزاي ممكن يتقلد في لوجي لا قدر الله أنا خايفة من السرقة جداً لأني ناوية أغير السائق فخايفة يكون عمل نسخة من المفتاح لأني سبته معاه مرة
|
متقلقيش حضرتك من الموضوع ده خالص .. لان المفتاح الايموبلايزر مش بيطلع غير فى التوكيل وبكود معين .. ولو دورتى العربية بنسخه عاديه من المفتاح هتدى مارش بس مش هتدور ...
يا رب اكون قدرت افيدك بالقدر الكافى وكل سنه وحضرتك طيبه .......