بسم الله
المقادير :
5 بيضات
3 كوسات صغيرين او متوسطين مبشورين
معلقة صغيرة بيكينج باودر
بصلة مبشورة
1/3 كوباية دقيق
ملح و فلفل اسود
خضرة مقطعة اللى تحبيه ( يفضل نعناع و بقدونس )
( وينفع تحطى نعناع ناشف لو مفيش طازة )
هنحط البصل المبشور على الكوسة المبشورة و نقلب
و بعدين نضيف عليهم الخضرة
و نسيبهم على جنب
و بعدين نضيف الملح و الفلفل
و نقلبهم مع بعض كويس
نسخن المقلاة و نحط فيها زبدة
او زبدة و زيت حسب الرغبة
و نحط جزء من الخليط
( لان المقلاة بتاعتى كبيرة عملت الخليط ده على مرتين لو المقلا بتاعتك اصغر يبقى ماتكتريش عشان البيض يستوى مظبوط )
و لما ينشف من تحت و يتحمر شوية اقلبيه كانك بتعملى بيض أومليت عادى
و قدميه بالطريقة اللى تحبيها
يا تقدميه كده قرص
بصى سمكه مش كبير ازاى
ممكن كمان تقطعي مربعات عشان يبقى اسهل فى الأكل
انا عملته بقطاعات الكوكيز
هنا رشيتها بالنعناع الناشف قبل ما اقدمها مباشرة
و كان عندى القطاعة دى كمان
انا بحب اكلها كده من غير عيش او حاجة
بس ممكن تتقدم كده برضه
بالمسترده ( بس يفضل يكون خردل ديخون عشان المستردة العادية عادة طعمها بيلسع شوية )
و ممكن تتعمل فى ساندويتش برضه عادى
جربوها بجد تستاهل و هاتعجبكم ان شاء الله
و الف هنا و شفا
منقول