[AbOnOrA]

المشاركة الأصلية كتبت بواسطة bekeat يا سيدي حاشا لله أن أتحدث عن الثوار بسوء , فهم أنصع وأشرف شيء شرفت به مصر خلال الثلاثين عاما الأخيرة . كما أنني لم أذكر شيئا عن محاسن عمر سليمان أو مساوئه , ولم أتطرق سوى للحديث السابق . وإنني يا سيدي مع الثورة قلبا وقالبا , ومع الثوار الحقيقيين . الذين ضحوا بحياتهم وبعيونهم وصحتهم في سبيل إنجاح الثورة . ولقد شاركت يا سيدي في جمعة الغضب , وكنت في الجزيرة قبل كوبري قصر النيل , في وسط الشباب وليس في مقدمتهم , فلم يكن عندي شجاعتهم , ولقد شاهدت بعيني كيف كانوا يتقدمون غيرعابئن بما يصييهم من إصابات , وأعترف إنني قد دهشت بشدة من من شجاعتهم وإقدامهم وجرأتهم التي لم أشاهدها من قبل . كما أن إبني وإبنتي قد شاركا في الثورة منذ اليوم الأول وحتى نهايتها , وأصيب إبني بالرصاص المطاطي في رجله أول يوم , وفي بقيه الأيام كان في نهاية كل يوم يعود إلى المنزل بإصابة مختلفة عن اليوم السابق !! وإبنتي أغمي عليها من القنابل المسيلة للدموع . وفشلت كل الطرق في إفاقتها , ولم يفلح معها سوى بصلة مدشوشة !! يا عم أبو نورا ربنا يسامحك على هذه الدعوى , فأنت لا تحسن الظن بعاقبة عمر سليمان وتدعو أن نكون معه , ويا ليتك قلت يحشركم معه إن كان مصيره إلى الجنة . وأنا أدعو لك في المقابل أن يدخلك الله الفردوس الأعلى من الجنة مع النبيين والصديقين والشهداء , وأدعو بهذا الدعاء لنفسي أيضا . وتقبل مني جزيل الشكر .

يا استاذى العزيز لما بيكون فيه خلاف على مبداء او فكرة او حدث بينقسم الناس بين رأى واخر والكلام بيبقى من فريق عن فريق مش كلام شخصى مش عارف ليه لسه الناس فى 2012 مش بتميز بين ده وبين ده

حضرتك شخصياً وكل عضو وكل مصرى محل احترام بالعموم بس لما اتكلم عن فكره ومن يدعيها فانا بتكلم عن توجه ومواقف مش عن على وابراهيم وابو نورا ولا اى حد


فحضرتك راجع كلامى هتلاقيه كله بصيغة الجمع وضد ناس بسميهم باوصافهم وافعالهم

فاكيد من لا تنطبق عليه الاوصاف والافعال ديه مستثنى من الخطاب

---------------------------

الغريب ان مع اول خشونة فى الكلام تلاقى اللى قدامك عين نفسه حسيب على دينى وتربيتى واخلاقى وانتمائتى وهوب بقيت خاين وكافر عميل ومش متربى والاسطوانة المشروخة اللى الفيس بوك عامر بيها

بمعنى تانى ابسط واقل كلفة طالما حضرتك مش فى الدائرة اللى بوجه هجومى ليها زعلان منى ليه
ولو الاخ اللى كان من شوية وغيرة وغيرة اللى كل يوم اللجان الاكترونية بتسرحهم محموق اوى ليه

يا جماعة فى حاجة اسمها اداب اختلاف تخليك تعبر عن اختلافك وموقفك من غير شخصنة وافلام قناه الفراعين

انا كان نفسى واحد يقول ان الراجل ده موداش الغاز لاسرائيل والكلام ده مزور وعندى الدليل احترمة جداً وكلنا هنسمعلة
وغيرة من النقد المنطقى للاتهامات التاريخية اللى زى ما قولت سواء انا او غيرى مليون قعدنا نتكلم فيها سنين او متكلمناش فيها سنين هتفضل باقيه فى التاريخ ولازم الاجيال فتفكرها وتتعلمها

تخش تقولى انت اثم وحرام عليك مش عارف ايه والكلام الكبير ده كله

طب يا سيدى ماشى قولنا كل واحد بيشيل قربه مخرومة بتخر على دماغة زى ما بيقولو
خلصنا بقى يا عم مش هنقعد طول النهار ننغز بعض بالكلام على نفس الفكره الحمضانة اللى رد عليها شيوخ قبل ناس عاديين

وبكرر للمليون رد عليها التاريخ بتسجيله لاعمال واثار كل الشخصيات العامة

طب بقولوكو ايه اطلبو من الموسوعات وكتب التاريخ يذكرو محاسنه هو واللى زيه

وارفعو قضايا كل ما كتب ضد الهالكين من فرعون لابوجهل لابرهه لصلاح نصر لسليمان قدمو حجة اذكرو محاسن مواتكم ديه للقضاء وخلوه يحكم بيها

والله ما عارف اقولكو ايه يا جماعة وعارف انى مهما قولت مش هعجب واللى المفروض تعرفوه ان مهما قولتو برضو مش هسكت