[YahiaAshraf]

بجيب علبه زبادي جهينة صغيرة وأسيبها يوم أو أتنين في التلاجةعلشان تبقي خمرانه كويس
وبعدين أجيب معلقة كبيرة لبن بودرة وأقلبها في طبق غويط مع الزبادي كويس لحد أما يمتزجوا ويبقوا
كريمي


الكمية دي بعملها 5 كوبايات لبن يعني تقريبا كيلو وربع لبن ويكون دافي زي الدموع يعني لو حطيتي
صوباعك فيه تلاقيه ميلسعكيش وحرارته زي حرارة الدموع

ونسيت أقولكوا إني أصلا ببقي غليته قبل كده وبسيبه يوم في التلاجه يبرد ويطلع قشطتة علشان يبقي خفيف وبعدين أطلعه وأدفيه زي ماقولتلكوا وكمان بصفيه وأنا بصبه علشان أضمن إنه كده غالي الدسم
وطبعا لو بتحبيه دسم يبقي بلاش الخطوة دي أصلا

نرجع بقي للأساس
باضيف أول كوباية علي الخليط الأولاني وأقلب لحد مايتجانسوا وكذلك كوباية كوباية وأقلب
وبعدين أقسمهم علي كوبايات جهاز الزبادي ولو معندكيش يبقي دفي الفرن كويس وأطفيه وسيبيه فيهم
والمدة بتتحدد تبع الجو والسمك اللي بتحبيه يعني لو بتحبيه تقيل والجو برد يبقي هيعد مش أقل
من 8 ساعات أما لو الجو حر أوبتحبيه خفيف يبقي من5 إلي 6 ساعات وممكن تبصي عليه
لحد أما تحددي هتشليه إمتي وبس كدة وأسيبكم مع باقي الصور

بس كدة أنا خلصت ويارب أكون أفدتكوا
منقوووووووووول