[HELGOHARY]

أأأأأأأأأأأأأأأأأأأأأأأاه يا قلبى . والله العظيم تلاته حاسس بيك . جيت العربية من تلت شهور فابريكة ودلوقتى بقت حاجة تانية . مش عارف اعمل ايه . أنا فكرت احطها فى الجراج كل يوم أصبح عليها وألمعها وأطبطب عليها وماطلعهاش لتتخبط .
جيت العربية موديل 2008 مافهاش الا خبطة مش باينة دلوقتى من بعد كيلو تشوف التعليم اللى عليها . أركنها ساعة واحدة بس أنزل ألاقى واحد ابن .... خابط الكابوت بحاجة رفيعة ناقرها ناقرة !! ومشخبط . والاقى عربية خابطاها من الجنب اليمين.
الشوارع عندى زحمة ولازم أسوق فيها وطبعا لازم توك توك يعلم عليها ولو بسرعه كده . بقيت بتفادى شوارع بعينها والركنة فى اماكن مخصوصة حتى ولو بعيدة والسواقة يشهد الله انها بعقل وبدون تهور وعينى على زوايا العربية فى كل لفة وركنة . لكن زى ما قال الزعيم : مافيش فايدة . العربية بقه فيها خرابيش كتير والاولاد مصممين يعلموا بكل حاجة تطولها اديهم .دلوقتى بعد ركنة طويلة شوية ( أكتر من ساعة واحدة ) أنزل الف حولين العربية أشوف ايه اللى اتخبط فيها أو اتشخبط عليها .منه لله اللى كان السبب