[spera516]

طبعا كلنا لازم نقول الحمد لله على كل شىء لانه دايما فيه الاسوء

انا لسه شارى العربيه امبارح ودفعت الفلوس وطلعت على الطريق وسرعتى كانت 100 او 110 وفى الدولى لقيت الدنيا سودا ادامي وحسيت للحظه ان السما وقعت عليا بس انا لسه عايش ..

وبعد لحظه من المفاجأه فهمت ان الكبوت بتاعى لازم فى البربيز بتاعي بردو والحمد لله انى ماتفاجأتش كتير وتعاملت مع الموقف بهدوء بفضل الله وركنت على جنب بعد ماعطيت انتظار وبصيت فى مرايات الجنب مع التهديه واحده واحده ومع احساسي بالطريق ..
نزلت وعرفت ان الكبوت ماكنش مقفول كويس والهوا فتحه على الاخر وخبطه فى البربيز والبربيز اتكسر حتت والحمد لله دى اول حادثه ..

فى نفس اليوم بالليل ابن عمتي بيجرب العربيه وماشي بيها بسرعه 60 تقريبا وهووووووووب حاااااااسب يا احممممممد راح خابط واحد بجنب العربيه من ناحيتي (اليمين ) خلاه يلف ويقع والحمد لله ان الراجل ماحصلوش حاجه رغم ان الخبطه كسرت المرايا ..

طبعا مش هاقول على ترييحة تاكسي وهى بيرجع لورا ريح على الباب بتاعي بس يادوب عمل نقره صغيره وهاعتبره مش حادث بس بردو فى نفس اليوم

انا بجد بحمد ربنا على ان اليوم ده عدي على خير وهاعتبر دى عين وهاقرا المعوزتين بس ياريت اى حد عمل حادثه بجد مايزعلش ويحمد ربنا

لان اللى حصلى فى يوم شرائي للعربيه بجد ماكنش شويه ورغم كده مازعلتش والحمد لله