السلام عليكم ورحمة الله وبركاته
اكتب اليكم هذا الموضوع وفيه اشد مشكلة اعانى منها
الا وهى فى الايام الحارة باعانى من صداع شديد
بمعنى انى فى الايام الحر ممكن حتى بدون الوقوف فى الشمس ومع عمل مجهود بدنى ولو بسيط مثل المشى مثلا باعانى من صداع رهيب فعلا او مثالا فى السواقه فى الحر بيجيلى صداع فظيع
مع العلم انى فى الشتا مهما اعمل من مجهود بدنى لا يحدث اى شىء ولا يجينى صداع الا نادرا جدا
ولكن فى الصيف لو نزلت فقط من البيت بيجيلى صداع فظيع مع العلم ان الكلام ده بيحصل حتى لو متعرضتش لشمس ولو تعرضت لشمس بيكون الصداع بيظهر اسرع وبيكون اقوى
والصداع مش بيروح غير لما اروح واخد بانادول و انام فى التكيف غير كدا لو عملت ايه الصداع مش بيروح
مع العلم ان عمرى 18 عام
والموضوع ده من زمان معايا يعنى من اكثر من 4 او 5 سنين معايا ويمكن سبب بيعى لسيارتى ال 128 انى بقيت لما بسوقها فى الحر بصدع جامد فبقيت مش بحب السواقه
وكمان لما خلاص بيجيلى صداع لو حتى بس بالتفكير الصداع بيزيد يعنى لو فكرت 1+1 كام بلاقى الصداع زاد معايا ومش بيروح غير لما اخد البنادول وانام فى المكيف وبدون ما افكر فى اى شىء نهائيا حتى لما بيكلمونى مش برد على احد لغاية ما دماغى الصداع يروح منها وبجد مش عارف اعمل ايه لانى بشوف ناس بتقف فى الشمس وبتعمل مجهود بدنى رهيب ومش بيحصل حاجه ولا بيصدعوا ولا بتاع فاكيد انا فيا حاجه غلط تنصحونى بايه ولا اعمل ايه
قلولى وجزاكم الله خير