[pro a7mad]

السلام عليكم:

شكرا لرودوكم ...
تقريبا.. تقريبا كلنا متفقين إن ارادارات في مصر مش بتأدي دروها المطلوب منها بكفاءة , لكن ردودكم خلتني انتقل لنقطة تانية , و هو دورنا احنا كناس , الي بيسوق منا و الي بيركب مواصلات
انتو تكلمتو عن السائقين الي بيبلغو بعض بوجود الرادارت عشان كل واحد ياخد بالو و يهدي و بعد كده يفتح زي ما هو عايز , اعتقد ان فكر الناس لازم يتغير الأول , و يبدأو هما يهتمو بسلامتهم بالدرجة الأولى - مش انهم يغيظو في الحكومة - يا ترى هيجي اليوم الي ناس تطالب في بوجود الرادارات على الطرق السريعة زي ما بيطالبو بتطوير الطرق و صيانتها يا ترى هنلاقي حملات عايزة الرادار يبقى موجود بشكل دائم حماية للأرواح... أتمنى

المشاركة الأصلية كتبت بواسطة فاطومه المصريه ممكن لما تشوفها تسلملى معاك اصل انا مشوفتهاش من زمن ووحشانى اوى ptmnlo123per1127

المشاركة الأصلية كتبت بواسطة bmkbmk يا جماعة الرادارات دى جباية رسمى و انا فى مصر الاجازة اللى فاتت كنت مسافر من طنطا لمصر ووقفنى الرادار بتاع قويسنا (على فكرة كان واقف فى طريق اسكندرية - مصر) و طبعا كان موقف كام عربية تانيين... و الغريب بقى بجد ان كل الناس المتصورة متصورة يا اما على 100 يا اما على 106 .... يا سلام سلم .. و طبعا السرعة المسموحة 90 .... فا انا كانت عربيتى جمرك و لو الرخصة اتسحبت هتسحل وراهاعلى ما اجيبها .. حمدت ربنا لما لقيت غرامة فورية 150 جنيه و الحمد لله كان معايا فلوس يومها فا اتنكت على الظابط تناكة مش طبيعية ,, و قلت له كل ده عشان 150 جنيه ....واديته 200 و خدت 50 و الوصل و انا طبعا بحمد ربنا و اشكر فضله .... الفكرة ان هى يا جماعة جباية رسمى فعلا ... ايه يعنى لما اكون ماشى 100 و الطريق فاضى و يسمح ... هنا فى الكويت بيبقى فيه 20 كيلو سماح يعنى لو سرعة الطريق 100 الرادار بيصور عند 120 مش 101 علشان الدفتر يخلص و خلاص,, و المخالفات هنا اغلى من مصر بكتير.. بس الفكرة انه بيصور فعلا الناس اللى طايرة و مش هاممها مش اللى مزود خمسة ولا عشرة كيلو ملحوظة ... حصل معايا نفس الموقف فى مصر من كام سنة و كنت نازل بعربية جمرك برده بس كانت مرسيدس و رقمها 10000 و اتصورت على 140 قريب من كفر الزيات و كانت السرعة المسموحة 60 و سعادة الباشا الظابط جالى بنفسه و انا راكب العربية و رجعى الرخص و قالى حمدالله على السلامة يا باشا .. و طبعا مادفعتش ولا مليم.. و ده علشان كانو فاكرينى حد واصل فى البلد و انا والله كنت اعرف رئيس المرور فى نويبع و ظبطنى فى النمرة دى ...مش واصل يعنى ولا حاجة بس لو كانت المخالفات دى مش جباية كانت كل الناس دفعت مفيش استثناء لواحد ظابط ولا وكيل نيابة ولا عفريت ازرق حتى و سلملى على الحرية و الديموقراطية. و تحيا مصر

اbmkbmk انا عشت في الكويت ,و بسافر سعات في الاجازات , انت عارف كويس ان الطرق هناك مختلفة تماما عن هنا , الطريق تقريبا هو الي بيسوق بيك , هناك تقريبا السواقة مش حاجة , في سماح في الرادار , بس في نفس الوقت نوعية السائقين هناك مختلفة تماما عن هنا , يعني مثلا الي عايز ينقل حارة شمال او يمين يدي اشارة , و ينقل بكل سهولة و يسر ... عادي خالص , و الناس الي بتخالف قواعد المرور - غاليا بيكونو شباب طايش - بتلاقي الدوريات وراهم و حوادثهم دايما بتبقى حوادث موت و ثقافة ( الغرز مش موجودة هناك العربيات ماشية في خط مستقيم , لكن هنا في مصر الطريق ماشي بيرقص من كتر الغرز الي بتتعمل .