[bebonet]

يا جماعه لازم تلاحظوا حاجه مهمه
وهى إن الاوتو ماتيك
أولاً به إثنين رجلاش
1-مسئول عن غلق الموتور بعد إمتلاء البالونه بالضغط المياه المطلوب
2-الريجلاش الاخر مسئول عن تحديد بدء تشغيل الموتور عند إنخفاض مستوى الضغط فى البالونه
الذى تريده
وهاذين الريجلاشين هما المسئولين عن
نجاح الاوتوماتيك حتى وان كان صينى وعن تجربه ومن يفهم هذه الجزئيه لن يحتاج الى اوتو ماتيك لمدة خمس سنين
وحاول ان تغير الصنايعى لان اكثر الصنايعيه
لايفهمون ماذا يريدان من هاذان الريجلاشان
والريجلاش مثل التاكيهات فى السياره
وعدم ضبطه جيداً يجعل الموتور يعمل بدون توقف حتى لو انت مركب بالونه
ثانياً الموضوع الاخر وهو مهم ايضاً
هذا الاوتوماتيك بعد مرور فتره بالذات فى المواسير الحديد وليس البروبلين
بتجمع صدأ وهذا الصدأ يغلق الثقب
الموجود فى الاوتوماتيك
فى منطقة الرباط بين الاوتوماتيك والبالونه
المشترك النحاس
فك الاوتوماتيك وبحرص شديد سلك الفتحه بأى ابره او ماشابهه من الصدأ لان فى هذه الفتحه توجد كاوتشه لمنع دخول المياه الى الاسلاك
(عازل بين ضغط البالونه وريشة الاوتوماتيك )
ياجماعه ذاكروا الاوتوماتيك جيداً
هتلاقوه سهل وضبطه أسهل
وبالنسبه لمفاتيح تشغيل الموتور
المشتركه مع الجيران يجب ان تجعل الكهربائى
حين تركيب المفاتيح يجعل فردة الكهرباء
الموصله للجميع تكون فرده من لون واحد
بمعنى لو المنزل من الخارج داخله
كهرباء 3 فاز
أحمر +ازرق +اصفر
طبعاً المنازل بتاخد كهرباء 220
وهى بتكون عباره عن فرده واحده من ال3 فاز مع فرده ارضى
وممكن تكون فى شقه واخده كهرباء من الفرده الصفراء والشقه الثانيه واخده كهرباء من الفرده الحمراء ساعتها مش هاينفع لازم تكون جميع الشقق واخده من فرده لونها واحد
وده مالوش دعوه بالعداد
يعنى كل واحد على حسابه ولكن لازم جميع الشقق تكون واخده من الفرده ذات لون واحد
ومش مختلفة الالوان لان لو انت مشغل مفتاحك
وهو واخد لون احمر وجارك فى نفس الوقت شغل معاك مفتاحه وهو لونه اصفر تحصل قفله
لان التيار مختلف