[M.TONSY]

المشاركة الأصلية كتبت بواسطة mody112 لو سمحت يا استاذ تونسى أتفضل فى البدايه اولا احب ان اشكرك جزيلا على موضوعك الممتاز والذى فك لغز الغاز عند كتير من الناس وثانيا كان عندى بعض الاستفسارات وارجو ان يتسع صدرك للاجابه عليها :- 1 - هو فى عربية بتاكل غاز ( زى ما فى عربية بتاكل بنزين ). ؟ ممكن لو الميكسر مش مظبوط وده بيتم ظبطه فى المحطة على الكمبيوتر وليه مسمارين بيتم ظبطهما للحصول على افضل اداء بس انا بالخبرة باعرف اظبطهم لانهم بيبقوا اشبه بفكرة مسمار الهواء فى الكربراتير 2 - لو الغاز اللى فى الاسطوانه قرب يخلص فى حاجة ( زى مؤشر البنزين او اللمبه الحمراء بتاعت البنزين ) تنبهنى انه قرب يخلص ولا هيفضى وانا ماشى ولا ايه ؟ فى طبعا مفتاح تتش صغير به لمبات بيان يعنى شرط منورة خضراء بتبين لك مستوى الغاز المتبقى قد ايه وفى نفس الوقت بتضغط على هذا المفتاح يقلب العربية بنزين لو الغاز خلص او حسب رغبتك 3 - هل تشغيل التكييف بيزيد من استهلاك الغاز زى البنزين كده ؟ لا مش للدرجة وخصوصا الطرق المفتوحة وبعدين الصراحة الواحد مش بيحسب لها لان التفويلة كلها ب 5جنيه ههههه 4 - مكان دفع القسط ( لو انا هشتريها قسط ) بيكون فى مكان محدد ( يعنى البنزينه اللى ركبت فيها ) ولا اى فرع ليها ولا فين بالظبط ؟ ايوة بيبقى فى محطة التحويل بتخلص الاجراءات الورقية وبعد كدة بتدخل تحول علطول فى حوالى 3-4 ساعات 5 - هل لو ركبت اسطوانه غاز تبع شركه معينه مينفعش ان املا الاسطوانه غير من بنزينه غاز تابعه لنفس الشركه ولا اى غاز يملاها ومفيش مشاكل ؟ لا طبعا حضرتك من حقك تدخل تفول غاز من اى محطة تابعة لاى شركة فى الجمهورية تعجبك بس هما من حقهم قبل التفويل يطلب منك فتح الشنطة للاطمئنان على الاسطوانة والوصلات كتدبير احترازى وشكرا واسف على الاطاله

العفو تحت امرك ونورت التوبيك