يا جماعة أنا بفكر أشتري الجين 2 ، وطبعاً الناس شكورا فيها جدا بس فيه واحد صاحبي قال لي على بعض السلبيات لما ركبها ، قلت أنقاشها معاكم هنا قبل ما أشتريها ، صاحبي بيقول:
العربية دي حلو وثابتة على الأرض ، وشكلها رياضي ، بس هو سمع صوت في الفرامل أول ماشتراها في السرعات البطيئة بيقولي لما سأل التوكيل قالوا ده عيب في العربية لما تغير التيل حيروح ، وبعدين قالي لما تلف يمين أو شمال تسمع صوت "تكة" في العفشة ، قالوا في التوكيل ان ده برضه عيب في التصنيع ، أنا مش قادر افكر خلاص كنت رايح أشتريها ، حد يقولي رأيكم ، لأن المنتدى ده هو أفضل منتدى بتاع عربيات بعد مادورت كثير ،
وهل فعلاً فيها عيوب في التقفيل والكماليات زي ما سمعنا ولا أيه
وأسعار قطع غيارها عاملة أزاي غالية رخيصة ، متوفة ولا مش قوي ؟
التوكيل عز العرب أخباره أيه ,انا من الاسكندرية ؟
هل في مركز صيانة غير التوكيل زي بتاع الطارق اللي موجود عند كوبري التاريخ في القباري في الاسكندرية كاتب وصيانة البروتون ؟
وهل أستنى وإحنا خلاص داخلين على شهر 9 لسنة 2009 لبعد شهر تنزل الـ 2010 ولا رأيكم أيه ، ياريت تقولولي ن اشان أقرر اشترى الجين 2 ولا أيه عايز مساعدتكم
المهندس/ أحمد فتحي