[مادا]

اعضاء مصر موتورز الكرام السلام عليكم عندى مشكله ياريت اللى يعرف حلها يفدنى مشكور .

سكنت فى الدور الخامس وطبعآ الدور الخامس محتاج لمتورمياه .. وفعلآ يوجد متور بيخدم العمارة كلها.. و يوجد اربعة مفاتيح بتشغل الموتور توجد فى الشقق العلوية والروف اللى محتاجين الموتور

.. المشكله ان كل ما اجيب اوتوماتيك للموتور يشتغل شهر واحد وبعدين يتحرق مش عارف ليه ولحد دلوقتى معرفتش السبب ولا العيب من ايه وده سابع اوتوماتيك اجيبه من شهر عشرة اللى فات .

اتاكد من ان البالونات كويسه ومش مخرومه ونفخت البالونتان اخر مره وبرضوا الاوتوماتيك اتحرق ..

فى واحد قالى يمكن يكون وصلات مفاتيح الكهرباء اللى بتشغل الموتور مش متوصله كويس ومخالفه بمعنى ان لو اثنين شغلوا الموتور على بعض والوصلات بتعاتهم مخالفة بتعمل قفله فى الاوتوماتيك وبتحرقه وكده انشاء اجيب كهربائى يتاكد من الاربع وصلات ..

وواحد تانى قالى لازم تركب سكس بالف قبل المتور علشان المياه ما ترجعش تانى ويفضل الموتورشغال علطول وده بيحرق الاوتوماتيك ..وده انشاء الله قبل ما اركب الاوتوماتيك الجديد اركب سكس بلف قبل الموتور.

ورحت شارع الجمهورية واشتريت اوتوماتيك ايطالى ضغط عالى يمكن العيب من الاوتوماتيك الصينى .. بس فى ناس مركبه الصينى وعايش معاها ..

ياريت يا اخوانى لو حد عارف حاجه تانى اعملها قبل ما اركب الاوتوماتيك الجديد يقولها علشان انا اتخنقت خالص من الموتور ده ...