المشاركة الأصلية كتبت بواسطة cheetoos2009
صـبــاح / مـسـاء الـورد و الـفـل و الـيـاسـمـيـن
بعد تجربتى للأكسنت لمده حوالى 5 شهور أكتشفت أنها سيارة غير مناسبة للطرقات السريعة أو للسرعات العالية أكثر من 120 و ده بالرغم من اعجابى الشديييييييييد بالأكسنت أر بى بس للأسف مينفعش أجرى بيها
و الــســبــب ؟؟
الثبات على السرعات العالية أكثر من 120 سئ للغاية غالبا بمشى بيها 140 بس بحس العربية مش ماسكة نفسها خااااااااااالص
ده غيــر عدم وجود وسائل أمان ضرورية زى الـ ABS و Airbags فى حال وقوع حوادث لقدر الله
و بالتالى قررت مش همشى أكتر من 120 تانى بالعربية دى للأسف
|
انا قريت الموضوع بتاع حضرتك ده قبل ما اشتري العربيه و قولت ده اكيد بيبالغ او دي حالات فرديه و كنت متوقع ان مفيش عربيه حديثه موديل السنه و تمنها معدي ال 100000 جنيه
حتكون مش متزنه قبل سرعة 150 مثلا
وقررت اجيب العربيه لانها كانت عجباني قوي و الحمد لله ربنا اكرمني بيها
لكن للامانه و بعد ما جيبتها لاقيت معاك حق في كل كلمه بتقولها العربيه من اول 120 بتكون زي الريشه و الطاره بتعوم في ايدك زي الميه .
للاسف هي دي الحقيقه المره
مش هاقولك كان المفروض هيونداي تخلي العربيه تفرش على الارض او طوطى على السرعات العاليه زي بي ام و مرسيدس
بس على الاقل كان تخلي الباور بتاع الطاره يقفش و يتقل على السرعات العاليه
لسه الكوري مهتم بالشكل الخارجي و الداخلي التحفه و الاوبشن الكتير و الماتور الشديد
و سايبين عوامل الامان اللي الاوروبي مهتم بيها جدا