[mr_astra]

المشاركة الأصلية كتبت بواسطة الهولندى الطائر بنطة نحاس؟ ياريت توضح علشان نستفيد؟وازاى وعند مين وازاى نقلل من معدل تآكل كامة الطلمبة بالصيانة الطريقة ازاى وشكرا

المشاركة الأصلية كتبت بواسطة تامر1970 اولا شكرا على اهتمامك بالرد- ثانيا ازاى بنطه نحاس وعند مين وتوضع فين بالضبط ثالثا العربيه بعد ما تبطل بثانيه واحده تيجى تدورها تدور عادى خالص من اول تكه بس تديها الغيار الاول وتحاوت تطلع تبقى مكلبشه فى الارض وتبطل ولو تصبر عليها دقيقتان تمشى زى العفريت ده ممكن يكون ماستر الفرامل

طلمبة البنزين بتاخد حركتها (حركة ترددية ) من كامة فى عامود الكامات
اما ان طلمبة البنزين راكبة مباشر على الكامة المذكورة او ان فى وسيط سيخ واصل بين طلمبة البنزين والكامة ودورة هو تحريك الجزء الميكانيكى لطلمبة البنزين حركة ترددية عشان الرداخ يشفط من التانك ويضخ للكربراتير
وبامانة انا معرفش عندك فى وسيط سيخ حديد ولا طلمبة البنزين راكبة على عامود الكامات مباشرة

لكن فى كل الاحوال طلمبة البنزين من الشغل بيحص تاكل جزئى فى مكان الحركة الترددية ودة بيقلل سحب وضخ البنزين ويعمل العيب اللى عندك

وعشان نتغلب على العيب دة بنزود الجزء المتاكل بنطة نحاس حجمها اد حجم راس عود الكبريت ودة بيعملها بتاع الشكمانات او السمكرى او اى حد عندة لحام اكسجين