السلام عليكم ورحمة الله وبركاته
كل تحياتى لاصدقائى فى المنتدى (بيتى الثانى)
السؤال هو....ماهى الغربة؟؟؟؟ هل الغربة هى غربة المكان ام غربة النفس
سافرت من كام سنة ولحد النهاردة حاسس بمرارة الغربة
غربة المكان فعلا بتنتهى بعد مرور ايام او شهور...وتبقى غربة النفس..الغريبة بقى
انك تلاقى ناس فى الغربة مبسوطين اوى وعايشين حياتهم
ومبيفكروش اصلا انهم ياخدوا اجازة ينزلوا مصر
(ع الم غررررررريبة)
طب العيب فى الناس ولا فيا انا؟؟؟؟
انا قررت انى استقر فى مصر كذا مرة وبعد كده ارجع فى القرار واعيش اجازة قمة
فى الروعة فى مصر وارجع تانى للغربة واعيش على ذكريات الماضى
(الاهل والاصحاب وجدعنة ولاد بلدى....احلى ايام بتعدى على الواحد)
وفى ناس بترجع من الاجازة تحس انهم جايين من سجن وينزلوا شتيمة فى مصر
ويشتكوا من المصاريف اللى صرفوها فى الاجازة
وتحس كده ان جواهم
حب شديد للغربة ومتعلقين بيها لدرجة ان فى ناس بتقولى احنا منعرفش نعيش فى مصر...المهم بقى
انا قررت بإذن الله قريبا انى استقر فى مصر ومش خايف من اى حاجة
وبإذن الله مش هندم ..وهخلص من الغربة اللى خدت احلى سنين من عمرى
و محتاج دعواتكم ونصايحكم.