[Dr. Bolbolan]

خلصنا الرعاية المركزه وانتقلنا الى غرفة الطوارىء ( الاستقبال ) وطبعآ دى هناك مخصصه للحوادث !

والحوادث هناك لا تخرج عن اثنتين ! ضرب نار وقتل أو اصابات خطيره بالرصاص أو حوادث سيارات !

البلد دى خطيره جدآ و القتل فيها على ودنه ! السود بيقولوا البيض بيموتونا و البيض بيقولوا السود

بيخلصوا علينا ! والمشكله خطيره و حقيقيه ! دا غير الخطف و طلب فدبه و السرقه بالاكراه !

يعنى الطريق اللى بنمشى فيه يوميا نلاقى واحد أو واحده من راكبى الموتوسيكلات واقع على

الآرض وميت ! يا اما مخبوط بسياره ( رغم الالتزام الشديد فى القياده ) ! يا اما مضروب بالرصاص !

وحواليه الاسعاف والبوليس وباقى الناس ماشيه عادى ! يعنى أخطر حاجه ممكن تحصل لواحد هناك

ان عجلة سيارته تنام ! ينزل يغيرها ! يطلع له واحد من تحت الآرض يضربه بالرصاص و يسرق موبايله

فقط ! المهم فى أول يوم فى الاستقبال جت لنا حادثتين وراء بعض زى بعض بالضبط ! أول حادثه

سياره شالت 3 أفارقه سود من اللى بيصلحوا الطريق و دشدشتهم وتانى حادثه نفس الحكايه بس

شال 4 المره دى ! و تخيل هنا فى مصر لو جت لك حادثه لشخص واحد بتلاقى الاستقبال ده مليان

ناس زى النمل ! اللى له واللى مالوش والدكاتره والممرضات بتلف حوالين نفسها ! دا لو اتوجد دكاتره

أصلا ! ويتركوا العيان ينزف لغاية لما يموت فى الغالب لقلة الآلات والآدوات والفهم والانسانيه والنظام !

أما هناك فقرفة الاستقبال بها 4 سارير كشف و حول كل سرير أجهزه خاصه به تساوى غرفة عمليات

مستقله و دواليب بها آلات جراحيه وأدويه ومستلزمات خاصه بهذا السرير ! كمان كل سرير له طقم

أطباء و ممرضات لوحده لا يقل عن 6 أفراد ! كل واحد أوتوماتيك كده عارف بيعمل ايه فى سهوله و يسر

واحترافيه ولا مجال للخطأ ! والمريض فقير أو مليونير يعامل نفس المعامله ( والفلوس بعدين ) بس يعيش

المريض أو ينجو بأقل الاصابات ! واذا احتاج أشعات مقطعيه أو غيره يتم عملها فى ثوانى على أحسن

مستوى ! والمصاب طبعآ يكشف عليه من شعر راسه الى أظافر قدميه ( كما تعلمنا ) بس بحق و حقيق !!

واحنا طبعآ كنا بنساعد و جت وقفتى عند رأس مصاب أسود عجوز حوالى 60 سنه و فقير بدليل ملابسه

و ذقنه غير الحليقه ! وكان لازم أثبت رأسه لمدة ساعه على الآقل حتى يتم فحصه بالكامل و أخذ عينات

منه ! و تم قطع و خلع ملابسه حتى أصبح عريانآ مثل ما ولدته أمه ! و هنا ذهلت من عدة أشياء !

أولا : الرجل كان رجليه الاثنين مكسورين وأحدهم كسر بشع مركب و ضلوع صدره مكسره فى الناحيتين

و جزء من الجمجمه مكسور بس كان واعى و مفتح ولم يصرخ أو يقل أى حتى ؟؟ واحنا فة مصر هنا

لو أتخن شنب ومعاه جرح قطعى سطحى طوله 2 سم يقعد يصرخ و يعيط و يولول زى النسوان ! آسف

هى دى الحقيقه ! ثانيآ : عندما نظرت الى الرجل العريان جت لى صدمه عصبيه لآنى تأكدت اننا فى

مصر مش رجاله ولا بنقف وقفة رجاله ولا يحزنون ! هى دى الرجاله ولا بلاش ! و بقيت أقول بارب الواحد

ما يحصلوش حادثه فى جنوب أفريقيا علشان الفضايح ! واسترها يارب ! داحنا غلابه قوى ! ptmnlo123per144

اللع يلعن أبو الجينات ! ماحنا أفارقه برده ! بس يظهر دى صابونه و دى صابونه تانيه ! ptmnlo123per1106
( يتبع )



مدخل المستشفى مقسوم قسمين ! واحد للآهالى والثانى للآطباء !



نفس المدخل !



تصوير ليلى لزهره عجبتنى ويظهر من خلفها الشاليه بتاعى !



أثناء التمرين العملى على ( حيرم ) أى عروسه تعليميه بنسميها كده !



زميلى النيجيرى ( د/ ايميت ) كنت بأصلحه علشان أديله بالقفا !



منظر للطرق الراقيه من اشارة مرور !



منظر جانبى لمكان الدرس !



منظر أمامى لمكان الدرس !



سيارة اسعاف جولف ( ليست لنقل المرضى ولكن لآنتقالات الطبيب )