بخصوص شراء ايبيزا موديل 94 الى 99
انا عندى استفسار بخصوص انى عاوز اجيب عربيه سيات ايبيزا موديل من 1994 الى 1999 انا مليش خبره كبيره فى العربيات فخايف ينضحك عليا وانتو طبعا عارفين السوق والناس اللى فيه .....
انا مش عارف اجيب انهي موديل احسن فيهم
سمعت ان فى ايبيزا الى هيا 1000 cc دى بتبقا انجيكشن والكترونى وكدا ناس كتير قالو بلاش دى على شان مشاكلها بتبقى رخمه فى الصيانه وكدا
وانا عموما بفكر فى الكربرتير احسن هتوفر بنزين وكدا :D
اغلب العربيات اللى شوفتها بقه مش متطمن بخصوص انها ممكن تكون عامله حوادث قبل كدا او راشه جوا
وانا مش بفهم فى العربيات كويس ياريت لو تنصحونى بميكانيكى يكون بيراعى ربنا ومش يلبسنى فى الحيطه :D
يكون عنوانه ايه + لو حوار البنزينات اللى بتكشف على العربيه دى وبتعرف ان العربيه عامل حوادث قبل كدا او فيها لحمات وكدا مكانها فين ؟
وتكاليف الكشف بتكون كام وكدا
|