رد: نصايحكم وانا باستلم لوجان
بص ياباشا
انا معنديش خبرة كتيرة
لكن جرب كل حاجة في العربية ليها علاقة بالكهربا
فوانيس اضائة والكلام دا
وياريت لو تعرف حد من قرايبك او صحابك يجي معاك يبص على العربية كده
واتاكد من دهان العربية
يعني ميكونش فيها خربوش واحد
واتاكد من وجود الاستبن ومفتاح ربط العجل
وبعد ما تطلع من التوكيل تفول بنزين نضيف 92 اقل حاجة
وقبل ما تدور العربية قول بسم الله
واقرا سورة الفلق
وابقا استلم من التوكيل الورق الخاص بالعربية
ورقة الافراج الجمركي وورقة مبيعات فرع التوكيل ليك وورقة مواصفات السيارة
واتاكد طبعا من وجود الكاتالوجات
وان شاء الله ربنا يباركلك في العربية
وابقا اعملنا تقرير صغير على العربية لما تستلمها وكام صورة وتبقا تمام
وتقبل تحياتي
|