رد: منتدى سيارات مصري أم منتدى مصري للسايارات
موضوع رائع بلا شك وتناول موضوعى وجاد للمشكلة احييك عليه
ولا اخفيك سراً ان كل ما تطرحة يجرى مناقشته على المستوى الادارى منذ فترة بالفعل ولم ينتهى الحديث عنه او محاولة الوصول لحلول وسط تنزع عنا توتر الموضوعات الاشكالية سواء كانت سياسية او اجتماعية او دينية بدون الاخلال بطبيعة الموقع الاجتماعية الاصيلة فى نشأه ومشوار المنتدى على الرغم من تخصصيته والتى يعود الفضل فيها لسمته الاجتماعية ايضاً
مصر موتورز بشكله الاجتماعى استطاع ان يقدم على مدى السنوات الماضية الافادة والدعم لاكثر من مليون زائر واكثر من مائه الف عضو بمجهودات فردية وبدون جمع اى تبرعات وبتمويل مستقل عن اى كيان تجارى يهيمن على المحتوى وبمراعاة كامل الاحترافيه فى عرض المحتوى وادارة الاعلانات والتقيد بسياسات أصالة المحتوى والنقل والاقتباس والخصوصية وغيرها من السياسات وعلى مستوى دولى مشهود
كل ده تم بالروابط الاجتماعية اللى بينا وعلشان كده منقدرش بسهولة نبتر جدورنا لاجتماعية فى المنتدى سعياً وراء تمام الاحترافية
ده من حيث المبداء
اما من حيث التطبيق فزى ما قولت الفكرة مطروحة لكن لسه مفيش الية واضحها لتطبيقها بشكل المناسب
كمان لازم نعترف - وانت كمان قولت الكلام - ان الاستقطاب الحاصل فى المجتمع يطال الجميع سواء من خلال المنتدى مباشرة او خارجة ووارد وبيحصل ان صداقات الواحد طلع بيها من الموقع هنا انهارت على اثر الاختلافات والفتن اللى جرفت بينا بعد الثورة
ومش شرط يكون الاختلاف هنا كتير حصل ده من خلال حساب الفيس بوك وغيرة من مواقع التواصل الاجتماعى العامة
ومن ناحية تانية اغلب الاعضاء المخلصين فى مشاركتهم فى الموقع كخدمة عامة بيفرقو كويس بين الاختلاف فى السياسة والايدولوجيا وبين الاستمرار فى العمل العام وخدمة الناس
ومش عايز اذكر اسماء علشان مشخصنش الموضوع بس تاكد انهم كتير وفيه منهم من هو فى الادارة وخارجها وفيه منهم من هو مؤيد للثورة او ضدها كمان
لكن الازمات الحقيقيه بتيجى من نوعية من الاعضاء بتستخدم شعبيتها فى الموقع بشكل عصبى او دعائى ودول غالباً ما بيكونو مصدر مشاكل دائم سواء حتى لو كان تخصص الموقع فى عمل صنية المكرونة الباشميل فقط
وبشكل واقعى اكتر كمان ممكن تشوف باقى المواقع المشابهه واللى مفيش فيها اقسام سياسية لكن بتنشب فيها خلافات لاتفه الاسباب على توقيع مثلا زى توقيعك ده
انا اعرف عضو فى ملفة اكثر من دستة مخالفات جراء خلافات مع اعضاء اخرين وصلت الى حد التلاسن والاساءه الصريحة وكلها موضوعات سيارات او اجتماعية عامة بعيداً عن السياسة عموماً والثورة
وده برضو راجع لافتقادنا لحياة سياسية سلمية بتطبيقاتها كالتفاهم والتوافق والتالف واحترام اختلاف وجهات النظر والايدولوجيات
وارى ان القيمة الاكبر فى كون مصر موتورز نموذج عملى لاطار يجمع كل المصريين باختلاف انتمائاتهم على الافادة والعمل العام
__________________
اخر موضوعاتى
قريباً تقرير وتجربة اداء دايهاتسو تريوس * تويوتا راش
|