[AbOnOrA]

اهلا بيك فى مصر موتورز

اولاً بالنسبة لتغيير الجنوط من عادى لسبور ده بيتم عادى جداً بدون اى تغيير فى الغالب وان كان احيانا بيركب مع الجنوط السبور مسامير سبور اكبر او بتركب زى جوان كده حوالين صرة الطمبورة الخلفية لكن كل ده بيعملة بتاع الكاوتش والجنوط مفيش مشكلة

بالنسبة للكاوتش الرفيع لازم تسأل عليه بنفسك عندك بتاع الكاوتش لان فيه منه مقاسات كتيييييييره جداً وانواع اكتر والاسعار بتختلف طبعاً حسب المقاس والنوع بس منصحكش عامة بانك تجيب مقاس مش منتشر علشان لو فردة واحدة باظت ممكن تدوخ على ماتلاقى اختها وممكن تضطر تغير الطقم كله بسببها

بالنسبة للجنوط ممكن تجيب مومو من عند ارابكوم اللى فى مدينة نصر او تجيب ماليزى وده سعره بيبقى حنين وصدقنى كويس انا الجنط معايا بقاله اكتر من سنتين وعملت بيه خبطات جامدة وهو زى ماهو ولا حتى بيخلف فى الترصيص

اخيرا بالنسبة للفوجات ممكن تسأل عليها فى سبير كار

عرض سبير كار - اكسسوارات وفرش وكماليات السيارات