مطلوب رأى الأخوة فى موضع ميجاناوى تقسيطى بحت
السلام عليكم ورحمة الله وبركاتة
طبعا دى اول مشاركة ليه فى قسم رينوا وان شاء الله مش هتكون اخر مشاركة عشان شكلى هبقى ميجاناوى قريب ان شاء الله ... بصراحة انا مفكرتش اكتب اى حرف قبل كده معاكم فى القسم اللى لما فصصت القسم كلة وتقريبا قريت اهم مواضيع فية ... رغى فى الأول شوية بس معلش استحملونى لسة مستجد.
المهم انا معايا عربية اسبرانزا 113 وان شاء الله فى خلال ايام هتكون اتباعت وقررت ان شاء الله اشترى ميجان هتشباك تكون موديل 2005 فيما فوقptmnlo123per157 ... الموضوع بقى مش حكاية انى اشترى ولا مشتريش ولا اية رايكم لأنى قولت انى قريت تقريبا كلة التعليقات والكلام المكتوب عن الميجان
السؤال هنا يكمن فى الآتى انا تقريبا كل اللى احتكم علية حوالى 25 الف ده بعد بيع العربية الصينى طبعا ياترى اقدر اشترى ميجان بالتقسيط نظرا للوعكة المادية الحالية وانا سمعت قبل كده ان التوكيل احيانا بيكون عندوا عربيات مستعملة ياترى ممكن التوكيل يقسطلى ولا الموضوع هيفشل .... ولا اشوف معرض برة يقسطلى الفرق وخلاص .....ptmnlo123per111
انا عارف انى وجعت دماغ الناس بس بصراحة عشمان فيكم جدا وعارف انكم مبتتأخروش على حد .
كل سنة وانتم طيبين .... ورمضان كريم. __________________
__________________
مبروك علينا التوقيت الجديد هنغير الساعة كل 20 يوم واللى مش عاجبة يشيل حجر الساعة
مصــــــــــريـــــــــة
|