29-08-2009, 10:29 AM
|
 |
من انا؟: مصرى مسلم متزوج وأبو ياسمين و أحمد
التخصص العملى: أخصائى أمراض نساء وتوليد ولكن حاليآ أعمل طبيب طوارىء بمجال البترول ومعى شهادات أميريكية من جوهانسبرج
هواياتي: صيد السمك واصلاح السيارات وأى حاجه بايظه
|
|
تاريخ التسجيل: Apr 2009
الموقع: من المنصورة وعايش بالقاهرة وأعمل بالخبر / السعودية
المشاركات: 2,153
|
|
رد: بجد محتاج ارائكم لا تبخلوا ارجو الرد حيران
بم انك فى الصعيد ! اذن الالنترا لن تنفع لك لآنها واطيه على الآرض وانتم عندكم المطبات كالجبال !
كذلك النيوسيراتو أعتقد انك مش محتاج فتيس ستبترونيك فى الصعيد و لا موتور عالى التقنيه !
كذلك الباريس عربيه كوبسه بس برده لن تستحمل الصعيد لآنها صغيره ولن تعطيك الهيبه المطلوبه !
والصنى ! مصرى يا ولداه وامكانياتها متقدمه بس ضيقه من الداخل رغم شكلها الآكبر شويه !
يتبقى الشيفروليه الكروز ! والله أنا شفت السياره دى فى معرض سيارات ! فكرتنى بسيارات زمان
القويه فعلا بلا مبالغه ! يعنى لو فتحت الكبوت الآمامى كل شىء مربط جامد و حاول تشد أى حاجه
من مطرحها لا يمكن تتزعزع أو تتهز والمقدم طويله و قويه يعنى لو دخلت فى قطر الصعيد ممكن
هوه اللى ينقلب ! السياره عضمها جامد جدآ سقف و قوايم حديد و مافيش حاجه بتلب أو تطقطق
تحت يدك ! السياره عاليه عن الآرض و شنطتها واسعه جدآ و من الداخل واسعه وفيه عدادات محترمه
وبها كومبيوتر تريبات ! وشكلها جميل و كلها على بعضها برستيج جامد جدآ !
ولما رأيتها فكرت أشتريها بدل من النيوسيراتو ! بس عيوبها بالنسبة لى انى وجدت جزء من التابلوه
مطعم بفرش قماش و ده رغم ثانويته ماعجبنيش قوى ! فى الخلف أكر زجاج عاديه ! و الموتور 106 حصان
طبعآ قوى وكل حاجه بس ممكن بعض الناس تقول صغير على حجم السباره ! آه ثمنها 122 ألف جنيه !
عمومآ رأبى بالمستندات أهه بقول لك شيفروليه كروووووووووووووز !
Dr. Bolbolan 
__________________
ليت الشباب يعود يوما  فأخبره بما فعل المشيب بى ! ptmnlo123per1127
|