المشاركة الأصلية كتبت بواسطة د/أحمد يونس
بص يا ا/يحيي شرف أنا هحكيلك مشكلتي وياريت تفيدني
أنا طبيب بيطري وأعمل في مجال الدعاية الدوائية
معي حاليا سيارة شيفرولية لانوس سأقوم ببيعها وأريد ان أشتري سيارة جديدة
حيرتي هي في أني عاوز سيارة تكون بتستحمل الشغل الجامد متوسط المسافة السنوية بها 80000 كم
ويكون ليها قطع غيار كويسة وإستهلاكها في البنزين معقول وتكون أوتوماتيك ويكون ليها سعر أعادة بيع كويس جدا
حدودي في الثمن من 100.000 إلي 120.000 ألف جنية
فكرت في نيسان صني الجديدة بس قالولي تقفيلها وحش
فكرت في أوبترا قالولي أستهلاك بنزين عالي غير مشكلة التقفيل المصري
فكرت في أكسنت أر بي بس قالولي مش بتستحمل الجري الجامد دا
فكرت في لانسر بوما بس قالولي أستهلاك بنزينها عالي برضة
فكرت وفكرت وفكرت واحترت لحد ما بجد زهقت |
اوك تمام
عندك :-
شيفورليه سونيك ب 117 الف
عندك ام جى السيدان
و عندك اللانسر بومه
وعندك النيسان صنى الجديده
و عندك بروتون بيرسونا
و عندك كيا سيراتو الفئه اللى ب 114 الف
************************* ***
بالنسبه للانسر بومه استهلاكها كويس و مفيهوش مشاكل
ده بالنسبه لل 1600 سى سى
ال1300 معرفش
بالنسبه للنيسا صنى الجديده فتقفيلها كويس جدا
مقارنه بالشكل القديم
و كل اللى اشتروها او عملوا تيست درايف ليها بيقولوا كده
بالنسبه للاكسنت اربى فانا معاك متنفعش فى الجرى
بالنسبه للبروتون بيرسونا عربيه ممتازه
اولا موتور انجليزى
وقوى
و فيها اوبشنز كتير
و استهلاكها كويس
اعادة البيع مش بطال بس مقارنه بعربيات تانيه كتير كويس
بالنسبه للشيفورليه سونيك فهى لسه نازله جديد
ومحدش جربها
انا انصحك تختار من الاتى :-
بروتون بيرسونا
ميتسوبيشى لانسر بومه
نيسان صنى
اى استفسار انا تحتامر سعادتك
تحياتى