بس يا ريس انا عندى عربيه نادره شويه وما أظنش حضرتك شفتها قبل كده وانا للأسف من حوالى سنه اشتريتها وهى عربيه كويسه مش وحشه بس انا اتخنقت من المستعمل اوى وناوى اجيب حاجه حديثه ده غير ان كل اللى يشوفها يقولى انا مشفتهاش قبل كده وللأسف ديه كانت اول عربيه اشتريها فى حياتى وعلى ما اظن ان انضحك عليا فيها وعلى ما اظن انى اشتريتها بسعر عالى .... يا ريت حضرتك تقولى وتفيدنى لو عايز ابيعها اعمل ايه
العربيه هى فولكس بولو 1984 وهى عربيه موتور 1300 سى سى وفتيس 4 سرعات و2 باب ودواخل فابريكه وانا متيقن من كده لأن كل اللى بيشوفها بيقول العربيه ديه عزيزه وفبريكه من جوه
هو انا ظبطها شويه بس اتخبطت خبطتين وهى راكنه للأسف
يا ريت لو حضرتك تقولى تساوى كام تقريبا ....هو انا شاريها من حوالى سنه ب 18000 وكنت عايز ازود عليها عشان اجيب حاجه عاليه شويه على 40000