رد: صوت الصفارة من اية ؟؟؟؟؟؟؟؟؟؟؟؟؟؟
أضيف معلومة
الكورى متقلد
خلى بالك
لانى اشتريته ب 10 جنيه
وطبعا البياع كسبان نقول جنيه او اثنين جنيه
ولو سبت للموزع
وتاجر الجملة هو كمان جنيه لكل واحد
ادى خمسة جنيه
يبقى سعره الحقيقى
ما بين 5 الى 6 جنيه فى الاصل
والمستورد من المنشأ كسبان على الاقل برده النصف
يبقى سعره 3 جنيه من المصنع فى كوريا
معتقدش كوريا هتعمل سير بجودة عالية بالمبلغ ده
الحقيقة هى انه صينى بس جودة اعلى شوية
والسبب فى كلامى ده
انى اشتريت سير دينامو تركى ماركة نضيفة قوى ب 25 جنيه
ولما قارنت
عرفت ان الكورى والصينى وجهان لعملة واحدة
وهى صناعة رديئة باسماء رنانه
وعلى العموم كله شغال
بس حبيت أضيف انه مش كورى لو 12 او 10 جنيه
هما يسموه زى ما هم عايزين
انما احنا لازم ما نجاريش الكلام ده
يقولك خد الكورى
قوله أيوه الصينى النضيف
وتديله واحد ابتسامة صفراء انه فاقسه
لو كورى مش هيقل عن ثمن التركى ابو 25
تحياتى
__________________
بسم الله الرحمن الرحيم {يُرِيدُونَ أَن يُطْفِؤُواْ نُورَ اللّهِ بِأَفْوَاهِهِمْ وَيَأْبَى اللّهُ إِلاَّ أَن يُتِمَّ نُورَهُ وَلَوْ كَرِهَ الْكَافِرُونَ }التوبة32 صدق الله العظيم
|