المشاركة الأصلية كتبت بواسطة Speranzawy

السلام عليكم

اخواني انا معايا سيارة سبيرانزا A516 وكفاءة الفرامل عندي اديها 70% ومن كام يوم كنت مسافر الساحل و الفرامل معاية طبيعية و لكن وانا راجع من السفر حسيت ان بدال الفرامل بقى خفيف و الفرامل مش بتمسك معايا الا لما ادوس البدال اكتر من اللازم... انا رجعت الطريق كلة والفرامل معايا خفيفة وكنت قلقان جدا , ابقى ماشي 100كم وادوس الفرامل السرعة تنزل لـ 90 كم بعد مده تتجاوز 5 ثواني .. يعني من الاخر الفرامل بقت 50%... المهم جربت الـ ABS لاقيتة شغال.
لما وصلت البيت وانا في الجراج والعربية دايرة بدوس بدال الفرامل كام مرة كده سمعت صوت تنفيس داخل مقصورة العربية جي من تحت عند بدال الفرامل... فتحت الكبوت بصيت علي زيت الفارمل لاقيتة زي ما هو ... خليت اخويا يدوس بدال الفرامل كام مرة وقربت ودني من السيرفو بقيت سامع صوت التنفيس بس الصوت كان اوطى وابعد من الصوت اللي بسمعة من جوا العربية

فهل كده طاقية السيرفو اتخرمت , ولا ممكن يكون حاجة تانية طمنوني

وهل حد يعرف تكلفة تغيير طاقية السيرفو كام ياريت يطمني علشان بابا اكيد هيخليني اصلحها علي حسابي

شكرا