[Vanditta]

المشاركة الأصلية كتبت بواسطة aallmix كلامك رائع تقريبا العربية اللي هجيبها هحتاج اغير كل اللي انت كاتبه ده عشان هيا عربية تكهين طب بالنسبة للدينامو والمارش والطلمبات والرداتير نفسه اغيرهم واريح دماغي ؟

معلش انا اسف انا ماعرفش حضرتك تقصد اية بالتكهين
عشان انا اللى اعرفة عن التكهين هو ان العربية بتبقى مش نافعة خالص وبتترمى او بيتباع اللى سليم فيها و الباقى يترمى

اما بالنسبة لتغيير الطلمبات والدينامو والمارش والردياتير
حضرتك شوف حالة كل منهم اية وساعتها تقدر تحكم هاتغير اية وتصلح اية
يعنى مثلا حاجة زى الطلمبات لو ضعفت بتتغير فورا ما بتتصلحش
وحاجة زى المارش ممكن يكون عايز اصلاح بسيط (جلب - اوتوماتيك- كتاوت - ترس بندكس ) وساعتها هيبقى اصلاحة افضل واوفر من انك تجيب جديد

حاجة زى الدينامو انا وجهة نظرى لو باظ او احتاج طقم شربون مثلا ولا هتضطر تركبلة كتاوت خارجى والعك دة يبقى الافضل يأما تجيب واحد استيراد يا تشوف واحد جديد عشان تحافظ على البطارية وكهربة العربية

والردياتير لو مصدى جامد وفية لحامات يبقى هات واحد جديد انضف واوفر من انك تقعد تصلح فى القديم