[Hisham.Elgazzar]

المشاركة الأصلية كتبت بواسطة محمدصلاح القاضى حد عند فكره عن موضوع فرد سوسته اسطوانة الدبرياج وهى راكبه

المشاركة الأصلية كتبت بواسطة محمدصلاح القاضى وهو انك تشد فرامل اليد تمام وبعدين تجيب الاول وتعمل نفسك انك هتطلع لكن طبعا العربيه مفرمله ومش بتقرص على الموتور انت يادوب كأن العربيه هتبطل تقوم دايس دبرياج تانى ودى بتعالج مشكلة رجة الفتيس فى الطلعه عاوز اعرف مدى صحة المعلومه من أدماير وهشام لان الاتنين يعتبروا من كبار الناس هنا فى المكانيكا

السوست اللى فى اسطوانة الدبرياج عبارة عن أربعة زى الصورة دى بالظبط



شايف السوست بايتين فى المنيم بتاعهم إزاى
لما المكان بتاعهم بيبوش هو دا السبب انه يعمل رجه ف العربية
مش بسبب انهم عاوزين يتشدوا لأنهم صلب

طيب لو افترضنا اننا عاوزين نشدهم علشان يحكموا وروحنا شدين فرامل اليد وحاولنا نطلع

مكان الإسطوانة بين ترس الفولام والديسك ، هتروح الإسطوانة متحركة من مكانها وتروح قافشة فى وضعية تانية
وبالتالى ممكن تتغير وضعية السوستة المبوشة وتقلل الرجة لكن ماتنتهيش نهائى إلا لما نعالج البوش


المنيم بتاع السوست لما بتفك الإسطوانة بيتقفل عليها مظبوط


وده امتى بنعمله ؟؟

لما بنفك الإسطوانة علشان نملاها ، وعلى فكرة مش كل مرة تسلم الجرة

لأنك ممكن تكون السوست سليمة ولكن السرة هى اللى مبوشة من عند مكان عمود الدايريكت

ودى صورة للعمود مع إسطوانة وديسك



لو السرة مبوشة هتعمل رجة فى الطلعة وعمرها ماهتروح إلا بتغيير الإسطوانة


الخلاصى انك لو عملت الحركة دى مش هتشد السوستة
هى بس هتغير وضعيتها وممكن تقلل الرجة شوية لكن هتفضل موجودة