[Dr.Mustafa]

المشاركة الأصلية كتبت بواسطة Vanditta انا بصراحة ماقريتش كل التعليقات وماعرفش الكلام اللى هاقولو دة ممكن يكون اتقال ولا لأ بس انا هقول لحضرتك على اللى اعرفة عن (اللوجان ) مبدئيا اللوجان كركوبة لا تقارن بالفيرنا تماما هو ممكن يكون التكييف اضعف نسبيا من الفيرنا ولكن اللوجان تتفوق على الفيرنا فى جميع النواحى (رأيى الشخصى بناء على تجربة اللوجان) اللوجان مع واحد صاحبى اشتراها من حوالى سنة ونص سنتين مش فاكر بالظبط بس حتى الان عامل حاجة وتسعين الف كيلو والعربية لسة بحالتها ومازالت بتقفل عداد لو موضوع قطع الغيار هو اللى قالق حضرتك احب اقولك ان اللوجان هى دايو لانوس مصر التانية واستنى عليها بس سنة ولا سنتين كمان وهتشوف كم الانتشار اللى هتعملة اللوجان وهتشوف قطع غيارها هتنتشر ازاى وهترخص ازاى ان شاء الله وبعدين حضرتك بتشترى زيرو يعنى لمدة 4-5 سنين على الاقل مش هتحتاج تفتح كبوت العربية غير للصيانات الدورية اللى بتتعمل فى التوكيل سواء فيرنا اولوجان او حتى لادا وبالتوفيق ان شاء الله فى الشراء وربنا يديك خيرها ويكفيك شرها يارب

وقعت قلبي حرام عليك : fun_broken:

أنا لسه صاحي من النوم و قرأت كالتالي

اللوجان كركوبة ( عربية كركوبة زي الست الكبيرة الكركوبة كده ) و لا تقارن بالفيرنا

قلت يا خراب بيتك يا سلطان راح الاقتناع اللي كنت مقتنعو بيها

الحمد لله يا رب اني فهمت ان قصدك ركوبة السيارة

لا مؤاخذة النوم ليه عمايلو بقى و لسه فنجان القهوة قدامي هشرب و افوق اهو

بس ربنا يخليك انك طمنتني و هوا في اجماع بالاغلبية الوقتي على اللوجان