[محمدصلاح القاضى]

مبروك على العربيه
من ناحية الموتور أولا
العربيه بدخن دخنه بيضا
ولا بتنفخ زيت جامد مع دخنه بيضا يعنى خرطوم البخر مغرق الموتور والبوجيهات بتلمع من الزيت
لو دخنه بيضا جرب التالى
هتجيب جركن زيت موبيل دلفاك MX تمنه 100 جنيه وعبلة كانز ابرو او استوب بحوالى 15-20 جنيه
وفلتر زيت كبير عشان الجو حر والزيت محتاج يتبرد كويس
هتحط الزيت والكانز وتغيير الفلتر وبأذن الله مش هتلاقى حاجه خالص لا صوت عالى ولا دخنه بيضا ولا اى حاجه
ودا مع الدخنه البيضا نسبة نجاحه 95 % ومع نفخ الزيت واكل الزيت 70%

ودا بناءا على رأى كثير من الاعضاء هنا
ثانيا هتغير كل السيور وبوجيهات وفلتر هوا وبنزين وتظبط كهربا
ثالثا الصالون
هتشد الكراسى كسوه نضيفه والارضيات
هتغيير الجلد بتاع الابواب عشان متسمعش هبد ولا تزييق
كاسيت كويس مع سماعات كويسه
رابعا العفشه
تخلى واحد بتاع عفشه محترم يبص عليها ويغير اللى محتاج يتغيير
خامسا الكهربا
محتاج كهربائى فاهم يبص على الضفيره ويشيك على اللحامات والذى منه
سادسا السمكره
تشد سمكره تمام وتنضف العربيه من البرومه كويس جداااا
سابعا البويا
بعد دا كله مش هينفع ترش العربيه اى كلام
لا انت لازم تديها بويا نضيفه عشان تنطق العربيه
ثامنا
ممكن تركب جنوط اسبور او طاسات شيك او ترش الجنوط الحديد اسود ميتالك