[Hisham.Elgazzar]

المشاركة الأصلية كتبت بواسطة حمادة ونور انا راكن العربية فى جراج ومش عاوز اجى جنبها خالص ومش طايق انى اركبها وبعصر على نفسى لمونة واروح كل يومين او تلاتة اسخنها بس علشان البطارية ونفسى ابيعها بس المشكلة ان عائلتى مش موافقين على اللى هعمله وانا اساسا كرهت السواقة علشان اللى بشوفه فى مصر

مافيش حل ، لازم لما تكون سايق فى مصر تسوق بطريقة دفاعية تركز على الطريق ومالكش دعوة بالعربيات اللى قدامك وماتلتزمش بقواعد المرور بتاعت اوروبا والدول المتقدمة
يعنى ماتسيبش مسافة كبيرة بينك وبين اللى قدامك خصوصا فى الزحمة وتطلع بالعربية بسرعة مش ببطئ ، والموضوع ده تتمرن عليه كويس علشان تبقى متحكم فى العربية ، محدش لاقى عربيات اليومين دول ونتا عاوز تبيع ؟

أراهن انه فيه واحد بيكرهك هو اللى مطلع الموضوع ده فدماغك زى انا كمان واحد صاحبى نفس الموضوع وقالهالى اول ماشتريتها ، بيعها وهات حاجة أقل وده لأنه شخصيه معقدة ، حسبى الله ونعم الوكيل الصراحة حاططنى فدماغه ومن ساعة ماشتريتها وكل شوية خوازيق ، منه لله اللهم أجعل كيده فى نحره


انزل اركب عربيتك وقضى مشاويرك ، انا اضطريت انى اركن عربيتى الشهر ده بسبب ظروف كده وحصل فيها كزا عطل ومش عارف أصلحها ، ومضطر انى اركب مواصلات

بروح من الشغل فى ساعتين مع ان لما كانت معايا كنت بروح فى تلت ساعة ، اى والله تلت ساعة ، فرق بين ان يكون معاك عربية وانك تنزل تتبهدل ف المواصلات
والا الأتوبيس وريحه عرق الصنايعية وصنان العيال الصغيرة ، ياراجل بلا وجع دماغ

شغل قرآن او إنجيل فى العربية ونتا ماشى ومالكش دعوة باللى حواليك
وعلق ماشاء الله وخرز أزرق والحجات اللى تبعد الحسد