رد: مساعدة فى نقل ملكية السيارة للتوضيح
هاتطلع على مرور المعادى
ومعاك طفاية وخلافة
تجيب نموذج فحص من الخزنة وتملى بياناتة
ترفق مع نموذج الفحص اصل عقد البيع المسجل وصورة من البطاقة الشخصية واصل الرخصة وشهادة المخالفات الحديثة وتحطهم كلهم فى دوسية
تروح تدفع التامين الاجبارى حسب الرغبة سنة او 3 سنوات
تروح تختم ورقة شهادة صلاحية الطفاية
تشوف العامل اللى بياخد البصمة ويجى يرفعلك البصمة
وبعدها تختم الورق من مهندس الفحص
تتوجة الى الشبابيك وتراجع الورق وهايدفعك الضريبة على حسب سنة او 3 سنوات
وتتعامل بقى مع المتغيرات مثل
ممكن يطلب منك تطابق بصمة فى مرور الوراق
ممكن يديلك تصريح بـ 3 شهور
ممكن تخلى النمر القديمة او يدفعك نمر جديدة
كل دى متغيرات على حسب نظام المرور لان مش بيشتغلوا بقاعدة ثابتة
__________________
يااااااااااااا رب
إرحمنا بقدرتك علينا
|