[sayed2077]

السلام عليكم ورحمة الله وبركاته
كتير مننا حصله مواقف كتير مضحكه فى شغله او مواقف غريبه
طبعا الحاجات ديه ممكن يمر عليها الزمن وتتنسى طيب ايه رائيك لو تحكيها لنا وتضحكنا معاك

على العموم انا اول واحد
الحكاية ديه حصلت لما كان عمرى 15 سنه
كنت شغال فى شركة كبييرة جدا فى السادس من اكتوبر بتنتج ادوات غسيل الكلى واكياس الدم وكدا

المهم كنت شغال هناك IT
بمعنى اخر بعمل صيانات اجهزة الكمبيوتر فى الشركه كلها
وكنا اتنين بس اللى شغالين فى القسم ده
انا والمدير بتاعى (مدير القسم)
المهم مره جالى اوردر اروح اعمل صيانه لجهاز فى قسم من اقسام الشركه
فروحت اشوف فيه ايه
لقيت انه عاوز ويندوز وخلاص المهم ساعتها كان من ضمن عدة الشغل بتاعتى CD Rom علشان مش كل ال CD Rom اللى فى كومبيوترات الشركه شغال فكنا بنريح دماغنا ويبقى معانا واحد شغال نسطب بيه للشركه كلها وخلاص المهم روحت ولما لقيت الجهاز عاوز ويندوز ركبت ال CD Rom اللى معايا فى الجهاز وبدائت تسطيب الويندوز وخلصته وسطبت البرامج وكله تمام التمام وشيلت ال CD Rom من الجهاز ورسترت الجهاز ولقيت النسخه وقعت قولت ااااه لسه هعمل نسخه تانى المهم استعنت بالله و ركبتCD Rom تانى وعملت نسخه تانى وسطبت البرامج وكله تمام وجيت شيلت ال CD Rom وجيت اعمل ريسترت للجهاز برضوا الاقيه النسخه تقع طبعا انا استغربت جدا والناس اللى كانت قاعده معانا استغربت جدااا روحت مركب ال CD Rom تالت وعملت نسخه تانى بس المره ديه بعد ما خلصت النسخه مشيلتش ال CD Rom من الجهاز وجيت عملت ريسترت لقيت الويندوز شغال عادى جدا وموقعش روحت شايل ال CD Rom من الجهاز ومن اول ريسترت لقيت النسخه وقعت
طبعا نزلت وكلمت المدير بتاعى طبعا فى الاول قعد يضحك جااامد عليا ويقولى لو طلعت عملته اعمل فيك ايه قولتله لا اطلع اعمله هههههههههههه
راح فعلا طلع وطول ما هو طالع لو عملت الكمبيوتر مش هيحصلك كويس المهم جه وسطب ويندوز بنفسه وجه شال ال CD Rom ومع اول ريسترت الويندوز وقع ههههههههههههه
راح منزل ويندوز تانى وساب ال CD Rom فى الجهاز ونعمل ريسترت كذا مره الكمبيوتر يشتغل عادى واول ما نشيل الCD Rom الويندوز يقع
اخر ما المدير زهق قالى هات اى CD Rom ونسطب بيه نسيبه فى الجهاز علشان ده مش هينفع نسيبه علشان ده الاساسى بتاعنا روحت وجبت CD Rom تانى ونيجى نسطب ونسيبه فى الجهاز نلاقى النسخه تقع برضوا لوحدها هههههههههههههه
وساعتها طبعا احنا الاتنين جاتلنا حالة ضحك هستيرى

ونيجى نسطب بالCD Rom بتاعنا الويندوز يفضل ثابت فيه لغاية اخر ما زهقنا قلنلهم الظاهر الكمبيوتر ده بيحب الCD Rom ده ومش هينفع يعيشوا بدون بعض فلازم نسيبه مع االكمبيوتر علشان الاتنين يفضلوا عايشين فى تبات ونبات بس تعملولنا امر شرا ب CD Rom جديد علشان اللى هنسيبهولكم ده اللى احنا بنشتغل بيه وبعد عنا فعلا سيبنالهم ال CD Rom والكمبيوتر لغاية اخر يوم اشتغلت فيه فى الشركه قبل بداء العام الدراسى الجديد (كنت ساعتها بقولهم انى فى معهد فى حلوان واصلا مفيش معاهد فى حلوان ههههههههههه وكنت بقولهوم انى عندى 20 سنه وانا كان عندى 15 سنه بس) ومكنش يعرف كدا غير المدير بتاعى بس الباقى كله عارف انى فى معهد والحمد لله انا علشان جسمى مليان كان بيبان انى كبير فى السن حتى دلوقت عندى 18 سنه والناس فاكره انى عندى 25 سنه ههههههههه
وحتى لما سبت الشغل الكل دلوقت فاكرنى اتخرجت من المعهد وكدا ههههههه ميعرفوش انى لسه هطلع 2 جامعه
نعمل ايه بقى اكل العيش مر بس الحمد لله خبرتى فى الكمبيوتر كانت مخليا مفيش حد يشك فيا ابدا
وبصراحه المدير ده هو اللى كان بيعلمنى من وانا عندى 10 سنين كيفية صيانة اجهزة الكمبيوتر من الالف الى الياء علشان كدا كان يفضل يقولى انا عمرى ما اكنت اجيبك تشتغل هنا واسيبك لوحدك فى الشركه باليومين والتلاته وانت اللى شايلها لوحدك الا علشان انا اللى معلمك ومفهمك كل ده

والله يسامح الظروف

انا قولت الموقف بتاعى ياترى بقى انت ايه الى حصل معاك فى الشغل قول وضحك الكل معاك
مستنيكم
و
السلام عليكم ورحمة الله وبركاته