انا للاسف اتهورت فى فتره وقعدت العب بالعربيه بتاعتى جامد اوى ودرفتات وخمسات وفرك وده وانا بلعب لقيت ريحه وحشه طالعه من الكبوت والعربيه مش بتحسب روحت للمكانيكى قالى دى جابت ديسك واسطوانه وبليه غيرتهم قولت مش مشكله محدش بيتعلم ببلاش المهم دلوقتى برده العربيه مش بتحسب زى الاول وفى مشكله تانيه العربيه وهيا ماشيه سلانسيه براحه جدا يعنى بتعمل رجه كده مكنتش موجوده فى الاول تحس انك طالع بعربيه مكيروباص مش تويوتا على الغيار الاول والتانى برده ممكن انا عاوز اعرف بققى العربيه مش بتحسب ليه على الرغم انى غيرت ديسك واسطوانه والرجه دى منين والدبرياج كمان بقى خفيف اوى تدوس عليه تحس انه بينزل بسرعه اوى خفيف جدا اعمل ايه او اروح للمكانيكى اقوله ايه او اكشف على ايه على العلم ان عربيتى تويوتا كرولا 1999 العيون موتور عامل 82 الف كيلو وحالته كويس المفروض يسحب احسن من كده بكتير