بعد موضوع "ياخسارة اللادا"
في موضوع تاني يثبت قطعيا ان الستات مبيعرفوش يسوقوا
هوا الموضوع بمعنى ادق "مش بيركزوا في السواقة"
كنت انا والحاجة في البنك بنسحب فلوس وكان البنك على الكورنيش وطبعا في سوهاج الكورنيش في الفترة دي زحمة موت
بعد ما خلصنا المراد كنا عايزين نعدي الشارع رحت لقيت عربية لانسر كرستالة من بعيد وواحدة ست سايقة العربية وكانت المسافة بيني وبين العربية 30 متر تقريبا
بصيت ع العربية لقيت الست بتبص ورا !!!!
ايه دا بالضبط ؟؟
لقيت العربية بدون اي مقدمات بتسرع جامد والحاجة كانت هتعدي راحت الست في اخر لحظة فرمللللت
والعربية وقفت والحمد لله قبل ما الحاجة تتخبط
ونزلت الست من العربية ووشها احمر
وبتقولي انا اسفة مخدش بالي
قولتلها حصل خير مش مشكلة
بس انا مستغرب اوي
للدرجاتي الاهمال واللامبالاة والاستهتار بارواح الناس
في حد يسوق لقدام ويبص لورا !!!
والالعن من كده تزود بنزين وهيا بتبص لورا !!!!
اللهم احفظنا من سواقة الستات يارب