المشاركة الأصلية كتبت بواسطة ابو هيما
ما هو عشان كده أنا رشحت لك فى اللوجان لأن التوكيل بتاعها محترم جداً وده من أراء ناس كتيرة أتعاملت مع التوكيل ,وغير كده كمان أن فى محلأت فى التوفيقية بقت تتعامل وبتجيب قطع غيارها الأصلية , بس فى حاجة أنا عاوزك تتأكد منها كويس وتسأل فيها قبل ما تتكل على الله وتجبها ,, وهى :
أنا كنت قرأت قبل كده فى مشاركات ناس كتير بتتكلم عن اللوجان , أنهم بيشتكوا من سخونية بتطلع من عند الدواسات نتيجة مواسير معدية من تحت الدركسيون ومارة خلف التابلوة وديه بتأثر على تبريد التكيف , بس بصراحة مش متأكد هل المشكلة دي عالجوها فى البلأك لأين ولأ لسة
- وكمان كان فى ناس كاتبة عن أن دواسة البنزين فيها زنة , وعصا الفتيس بتتحرك زي العربيات القديمة على السلأنسيه .
شوف كده الأول الحاجات البسيطة دى وأتاكد منها الأول قبل ما تشترى هل هى صح ولأ أشاعات
لأنى بقول لك تانى أنى مش مالك للوجان وأنى مجرد قرأت الكلأم ده فى منتديات أخرى كتير وبيتكرر , أحنا مش عايزينك يا دكتور مصطفى بعد رحلة الكفاح والشقة مع نفيسة , قصدى مع التريوس تتضايق ولأ تتعب تانى فى البحث عن حلول لمشاكل (((((-:
وربنا يوفقك يارب فى حسن الأختيار ونبارك لك يا سيدي عن قريب بالعروسة الجديدة,, قصدي العربية الجديدة ونفرش لك الأرض ورد وفل كمان وأنت معدي بيها ,, وتقبل تحياتى
 
|
متحرمش منك يا جميل
يارب كل الدعوات دي تتحقق ..
بالنسبة للسخونية دي موجودة فعلا و بتتعمل في أول صيانة بحل بسيط جدا
تركيب لباد ( عزل حراري ) تحت حوالين الدواسات و دي بتعزل السخونية دي إلى غير رجعة
أما عن الفتيس فأنا لما جربتها مكانش فيها العيوب دي خالص خالص خالص
كانت ناعمة و طرية و كلها حنية
أو جايز ده عشان بقارنها بنفيسة
