[Vanditta]

السلام عليكم ورحمة الله وبركاتة

كان عندى مشكلة احيانا بتحصل واحيانا كتيير لا
الا وهى ان الكاسيت بيفصل او بيرستر بمعنى اصح ويشتغل تانى لوحدة وكنت منفض للموضوع لانة مش مضايقنى فى حاجة يعنى
ومن يومين كدة الموضوع اتطور انى وانا ماشى بليل لاقيت الكهرباء كلها قطعت (كاسيت ونور تابلوة وفوانيس) حوالى ثانيتين كدة وجت تانى
وبالصدفة كنت ماشى فى شارع ضلمة فلما الموضوع دة حصل حسيت نفس احساس اما النور بيقطع وييجى وقلت هييييييييييييييية
مش عارف هل دة ممكن يكون وصلات الكاسيت ملمسة مثلا ولا الارضى مهزوز مثلا ولا قواطيش البطارية فيها حاجة ؟! وهل دة خطر كدة ممكن يعمل قفلة لا قدر الله ولا حاجة ؟!

على العموم انا ناوى اروح للكهربائى ان شاء الله بس افيدونى عشان ماروحلوش وانا مش فاهم حاجة عشان مايشتغلنيش ويعك فى الشغل ويقولى انا صلحتلك كذا وكذا وكذا خصوصا ان العيب زى ماقولتلكوا مش باين وبيحصل على فترات