[tham1010]

أهلا بيكى//

كلنا كنا كدة وأحنا رجالة. فأكيد حضرتك بتكونى خايفة أكثر.. أنا متعلم من سنة وشوية ودلوقتى أقدر أقول لحضرتك أنى مش بخاف إلا من مواقف معينة. يعنى لما أكون طالع كوبرى أو ماشى فى شارع ضيق على قد عربيتين بس وتيجى عربية من اليمين تزمر علشان تعدى وأكون ماشى بسرعة 50 مثلا بحس برهبة من أن اى حركة منى فى الدريكسيون ممكن أخبط فى العربية التى تعدى من اليمين... هذا هو الموقف الوحيد بعد عام من القيادة.. وواحد قال لى أن الذى يعبر من اليمين بيكون شايف اكثر أبعاد العربية وعارف انه ممكن يعدى بسهول أهم حاجة أنك تثبتى أيديك على الدريكسيون تماما وتقللى السرعة شوية صغيرين علشان اللى بيمر من اليمين يعبر بسهولة...

فى حاجة كمان مهمة.. حاولى تمشى فى نفس الطريق كل مرة يعنى مش تغيرى طريق السير حتى تحفظى أماكن الإشارات وكل مواقف الطريق وبعد هذا تغير لطريق أخر..

كذلك السير فى الأماكن المزدحمة الضيقة بتعلم كثير وتعطى ثقة للسائق فى نفسه...