المشاركة الأصلية كتبت بواسطة tarekawad

انا هاقولك علي اللي حصل معايا
ناس كتير قالو روح عند المهندس هاني ومحمد سمير اللي في شارع الاربعين خلف حديقة بدر من جسر السويس جاري يعني قلت كويس مش هاروح بعيد
وروحت كانت العربية بتنقط زيت قال لي ارفع العربية واغسلها من تحت وتاعالي عملت وروحت له رفعها وطلب مني الطلبات دي
1- اولسيه عصاية فتيس
2- اولسيه مبخر زيت
3- سليكون ب 150 جنيه
4- بارة دريكسيون شمال
5- مقص امامي
6- مساعدين امامي وخلفي
7- خرطوم استعدال باور
8- خطوم بنزين خلفي
وحاجات كتيرة مش فاكرها
حسسني اني مش راكب عربية
طبعا انا كنت عاوز امنع الزيت اللي بينقط روحت لواحد تاني
غير اولسيه عصاية الفتيس وجوان الكارتيرة والزيت امتنع الحمد لله بس البيه اللي غير اولسيه عصاية الفتيسو خلي الفتيس بدل ما يطلع ع الاول يطلع ع التالت وانا طبعا ما عرفتش فالعربية جابت معايا طقم دبرياج منه لله
فروحت لواحد محترم جدا في الوايلي غير لي طقم الدبرياج وضبط العربية واسعاره ارخص بكتيييير من شلة الحرمية اللي في ش الاربعين او في الحرفين اليك عنوانه
الوايلي ش الشركات بجوار مدرسة طه حسين خلف جامع الوايلي
اسمه احمد فرغلي اسال اي حد عليه هناك في الشارع وهما يدلوك عليه